14

sin husz Vnde sprach zu dem ersten wie viel bistu schuldig myme hern Da sprach er hundert masze oleys Vnde der meyer sprach schryp balde nijt dan ffunfftzig Vnde sprach zu deme andern wie vil bystu schuldig myme hern Vnde er sprach hundert virtel weiszes Den hiesz er schrieben achtzig Vnde der herre lobte den meyer wanne er wieszlich ted wan die kindere diesszer(157b) werlt sint wieszer dan die kint des lichtes“*) Ich sage uch machet uch ffrunde von deme gute der boszheit so uch gebristet uff deme wege Das sie uch tzien vnde entphaen in die ewigen tabernakel

Hier folgt keine Predigt, ſondern gleich Epiſtel und Evangelium für Mittwoch und Freitag, dann der elfte Sonntag mit Predigt u. ſ. w. Auf Bl. 160b ſteht:

Der xij suntag paulus(1. Cor. 15, 1— 10)

Brudere ich tun uch kunt das ewangelium das ich uch geprediget han Vnde das ir entffangen habt Durch das ir auch behalden werdet haldet irs in der beschedenheit jn der ich esz uch geprediget han Esz sij danne zu uorgebes gleubt wanne ich uch gegebin habe in den ersten das auch ich entpheng Das Cristus tod is vur vnser szunde nach der schrifft Vnde das er begrabin wart Vnde das er uff irstunt an dem dritten tage nach der schrifft Vnde das geschen(lies das er gesehen) was von Cephas Vnde dar nach van den eilffen Vnde dar nach mer dan ffunff hundert brudern mit eyn ander von den vil bisz noch blieben Abir semelich sint entslaffen Dar noch wart er gesehin von jacob Vnde zu allir leste als eynme usz wurffelinge ist er mir irschynen Vnde bin der mynste Vnder den tzwolffboten der nijt werdig ist eyn tzwolffbote zu heiszen wanne ich han angeffochten die Cristenheit Sunder von gots gnaten bin ich das ich bin Vnde sin gnate ist nijt itel ge- weszen in mir llucas(XVIII 9— 14)

IN der zijt sprach jhesus zu sinen jongern zu etlichen die sich szelbir vur ge- recht hatten Diesz biespel Tzwene menschen gyngen uff in den tempel das sie beten Eyn glieszener vnde eyn offinbar szunder Der glieszener stunt vnde bete in yme selbir vnde sprach here god ich sagen dir dangk das ich nijt en ben als die andern Die reuber sint vnde vnkuscher Alse dirre offinbare szunder Ich vasten tzwernt in der wochen jch gebe mynen tzehenden(161a) van allem das ich habe beszesszen Vnde der offinbar szunder stunt uft Vnde slug an sin herze Vnde stunt van verren Vnde en torste nijt sine augen uff heben gegen gote Vnde sprach herre Bis mir szundigen menschen gnedig Ich szage uch Das der ging in syn husz gerechtir Dan der glieszener wanne alle die sich irhohen die werden genyddert Vnde die sich demutigen die werden irhohet. Glosa

Wir leszen hude in dem heilgen ewangelio von tzwen menschen Die gyngen in den tempel Eyn glieszener vnde eyn offinbar szunder vnde wolden sprechen yre gebet Nu sollin wir mercken Das der offinbar sunder wirt gelaubit in dryn dinghen Die heilsam sint vnde ghut eynme iglichem szunder Der die sunde wil laszen vnde rechtlichen tun vnde

*) Steinmeyer p. 225, 55 darumb macht uch van dem schatz der ouel......(Lücke bis got bis, want du machs dich wail ouer mych erbarmen etc. Ev. d. 12. Sonntags nach Pfingſten.)