3

Propterea nobis primum inquirendum est:

qua ratione jure contendi possit absenti hereditatem aut legatum, quod durante absentia defertur, delatum esse;

tum quomodo, si delationem absenti factam esse ponamus, illi hereditas legatumve adquiri possit.

Et quidem quaerendum est; quomodo res se habeat,

1) solis juris Romani principiis indagatis?

2) solito judiciorum Germanicorum perlustrato ordine?

3) priscino Franciae jure perspecto?

4) codicis Franco-Gallorum civilis ratione habita.

I. Quid jure Romano de quaestionibus nostris statuendum sit.

1) Generalia quaedam.

Quodsi absentiam eam hominis conditionem intelligimus, qua plane non constet, num adhuc vivat, an mortuus sit, haec hominis naturalis conditio duplici ratione ex juris norma ponderanda est:

1) quoad simul cum vita aut morte jura nascuntur aut extingunntur, et hanc ob causam quaeritur, cum et vita et mors in dubio relinquantur, qualem vim res incerta ad haec jura habeat.

2) quoad aut in gratiam absentis, aut succedentium in jus ejus aut eorum denique causa, qui jura e morte vel vita illius pendentia tenent, cautiones et modi ad politiam juris civilis spectantes, qui aut necessarii sint aut saltem utilissimi, a re publica constituendi esse videantur. At neque de hac, neque de illa ratione, quae potissimum huc pertinet, jus Ro- manum specialia continet praecepta, excepto eo, quod pluribus

1*