Her Johann Grawe zu Ziegenhain und zu Nidda unser Lieber Neve seliger von todis wegen abe gegangen ist und keine leibis- erbin hinder Im gelassen had, davon uns die herschafft und grawe- schafft Ziegenhain und zu Nidda mit Slossen Steden und mit allen iren zubehorungen uff uns und unser erben und nachkommen, fursten des Landes zu Hessen, kommen und gefallen ist, und wir damit des begabet sin, daruff han uns itzund purgermaister rad und ganze gemeinde zu Stouffenberg unser lieben getruwen var uns und unser erben und nachkommen fursten des Landes zu Hessen eine rechte ...erb holdunge gethan han, also han wir in solchen iren guten willen angesehen, und wollen wir und unser erben und nachkonm- men fursten des Landes zu Hessen dieselben Burgermaster und rad und ganze gemainde zu Stauffenberg und irn nachkommen lassen bliben in allen iren fryhiden gebräuch und rechten die sie dann von der Herschafft von Czigenhain von alders gehabt und herbracht han, und In die nicht zerbrechen, und alswann unser newe von Czigenhain seligen zu ziiten uber daz ander odir zwite Jar von bete uff etzliche ire Slosse und Stede gesatzt und sie Hama: beswirt hat. Solcher art wullen wir vor uns und unser erben die vorgenn. unser Burger zu Stauffenberg und ir nachkommen eefriiht, also daz wir odir unser erbin sie damit gefriht han und dieselben sunders by diesen vorigin Fryheiden und enaden bliben lassen wollen, alles sunder geverde und arglist. Dess zu urkunde han wir wapp und Ingesigel hiran thun hangen. Geben zu Mar- purg uff den Muntag nächst nach dem Sonntage vocem Jocundi- tatis Anno Domm. millesimo quadringentesimo quinquagesimo.