— 18—

hominem unum Hannibalem eodem jure possint partiri si fors ille de Romanis quartam victoriam aliquando reportaverit.

„Superest nunc ut ad fine Problema(Fol. 72. v.) solvamus, quod est hu- juscemodi. Datis Sectae propriis verum Sectae auctorem invenire, sive definire quis qualisve fuerit.“

Dicebat Pompilius Numa leges ritusque Sacrorum tradidisse Deam Aegeriam; Aetrusci se perhibent edoctos haruspicinam a puero Tage subito terris enascente: multi Religiones suas ad Phaebum Delphicum referunt, auctoresque alii alios yactant. Sed fieri potest ut Numa fuerit usus auctore minus illustri quam est Dea quaepiam, et ut Tages ille nusquam fuerit, ut nullus Deorum Delphis oracula fuderit. Neque enim quidquam est proprium Romanae Tuscaeve Disciplinae quod non ab homine Romano Tuscove nulla ope divina praeter morem suffulta potuerit inveniri et ad Deos auctores referri.(Fol. 73.)

Quapropter fieri potest ut haec propria Sectarum a multis aliis profluxerint, diversis ab iis, qui yactantur, auctoribus: idque adeo ut hoc Problema quodam modo referat Geometricum illud de locis, cujus constructio tantopere quaeritur.

Quippe manifestum est Aegeriae quae feruntur praecepta talia fuisse ut ea Pompilius intellexerit, talia quoque Tagis ut Aetruriae bubulci ea potuerint ediscere posterisque per manus transdere. Hinc colliges haec omnia potuisse vul- gari, nulla licet Aegeria, nullusve Tages extitisset. Nam quae possunt ab omnibus intelligi, possunt a quovis inveniri sive pro certis adfirmari.

Atqui, quod mayus est, agnoscis, Rex Gelo, demonstrationem Theorematis quo declaratur in triangulo rectangulo quadratum lateris maximi aequari(Fol. 73. v.) summae quadratorum a reliquis a Pythagora quidem potuisse pertexi, sed et inveniri quoque ab aliisepotuisse, si rationem mortalibus omnibus inditam eodem modo coluissent atque subduxissent quo suam Pythagoras. Hisce perpensis ad solutionem Problematis accedo.

Caetera desiderantur.

Fol. 73. Geometricum illud problema de locis; welches Problem meint er?