7—

ampla familia et generosa progenies, ex qua nemo non vel laetissimam patriae spem offundit, vel bellica laude viget, vel pacis artibus favet, vel prisca ſide el humanitate antecellit; sunt summi Principis ministri et magistratus, in quibus num sollertem rerum publicarum peritiam, an ex rebus gestis gloriam et expe- rientiam, an rei literariae intimam cognitionem, an vitae usum in summa dignitate facilem et civilem potius mireris, tu nescias;— sunt ordines provin- ciales, in quibus viros nobiles et plebejos, muneribus praepositos et privatos hömines, literarum cultui deditos et agricolas, sacris ritibus operantes et caupo- nes, jureconsultos et mercatores, philosophos et medicos, Lutheri doctrinam et Romana sacra profitentes, cisrhenanos et transrhenanos, ad unum omnes communi patriae amoris vinculo conjunctos de summa rei publicae pari et scientia et modestia deliberantes et disputantes audias;— sunt viri cujusvis doctrinae et urbanitatis decora prae se ferentes, sunt rebus literariis et schola- sticis sua ornamenta et lumina, sunt mores politi, elegantes et comes ubivis fere obvii;— sunt urbi nostrae plateae non singulis palatiis distinctae sed perpetua fere regiarum serie vallatae, picturarum splendidissimae porticus, librorum utilissimorum copia publico usui exposita, totius naturae mirabilia et cognitu quaeque dignissima, omnium fere temporum apparatus et reliquiae in uno arma- mentario congregata, theatrum, modis musicis, fidium concentu, canentium arte, apparatuum magniſicentia nulli secundum, columnarum proceritate, lapidum structura et externa specie Graeciae aliquod templum referens, hortorum gratiae, fruticetis, xystis, umbraculis, lacubus, diaetis et speculis variatae;— sunt regionis Rhenanae amoenitates per omnem Germaniam laudatae, viae montanae amabiles recessus, vitis, amygdalae et castaneae largissimo proventu nobiles;— est denique priorum temporum memoria gratissima, quae in his regionibus mentem medita- bundam percellit et in pia quadam mollique cogitatione defigit; sive enim horren- dum idolorum cultum quaeris, seu Romae omnipotentis vestigia, seu doctrinae Christianae incrementa, seu patrum fortiter facta et praeclare condita, seu Im- Peratoribus et Principibus antiquitus partam gloriam, vides sylvam prisca for- midine sacram, vides valla, fossas et monumenta, Drusi, Tiberii et Germanici nominibus clara, vides urbes vicosque canae antiquitatis vicem expertos, vides, ut uno verbo dicam, Rhenum, placidi cursus socios Nicerum Moenumque exci- pientem, Nemetum, Vangionum, Moguntiae moenia alluentem.

Sed tantum abest, ut haec omnia justo praeconio nunc celebrare velim, ut potius de gymnasio nostro adeo tacendi veniam mihi inde expetam, quod ejus statum et conditionem paucis modo descripsi in ephemeridibus scholasticis nuper