— 8—

XVI annos summam rerum habuit. Successit Alexander, qui XXV annis regiam dignitatem obtinuit, dum Telestes de iure suô depulsus opportunam ultionis facultatem nactus regni sui raptorem obtruncavit rerumque potitus per XVI*) annos regnavit. Prima caedes in domo regia perpetrata alteram secum duxit; coaluerunt ceteri qui ad Bacchiadarum genus pertinebant, re- geque consanguineo, quum gentilibus suis morem gerere noluisset, iugulato regnum ad unum de suis, Automenem, detulerunt**). Quae vis quum bene successisset regnandique insatiabilis cupido in dies in potentium optimatium animis crevisset, anno vixdum praeterlapso, regium imperium, cuius species tantum et imago potius quam re vera potestas et dignitas relicta erat, pror- sus sustulerunt eiusque onus ac decus in suos humeros ferendum receperunt.

De Bacchiadis prytanibus.

Omnes reipublicae gubernandae partes sibi solis demandarunt et quum ipsi plures ducentis essent, ut aliquis ceteris antecelleret et quae vellent iuberentque celeriter ac strerue exsequeretur, quotannis e suis magistratum summum seu prytanin elegerunt, penes quem per unum annum summa po- testas et regia quaedam dignitas esset***). Populo, quantum non ad nobiles pertinebat, in mutanda et constituenda reipublicae forma nullae consultationis partes datae sunt; sicut ad id tempus omnis negotii publici fuerat expers, ita tum quoque totum se finxit et acommodavit ad gubernantium arbitrium et nu- tum: non quidem vrevesοσέeνοο x rεννομεέ̈νοο Zονμαræ, at vero sν mπτοεον zæ r05x᷑ν uéoge habebatur, ut ait Demosthenes †) de Atheniensium populo, cui nihil pristinae dignitatis ac potentiae relictum fuerat. Quid, quod de populo Corinthio proprie tum dici non potuit? Quodsi enim Scipio minor apud Ciceronem ft) in nomine populi defimendo vere docuit, populum esse coetum multitudinis iuris consensu et utilitatis communione sociatum, in Corinthiorum re publica populus non fuit. Sed rerum conditionem altius et a capite re-

*) Rationem huius numeri levissima mutatione emendati infra probare conabor.

**) Pausan. II, 4, 4 interfectores Telestae Arieum et Perantam nominat eosque odio ductos caedem perpetrasse addit; Automenis regnum annuum non memorat. Ube- rior hac de re Diodorus I. IJ.

***) Justo plus videtur affirmasse G. Grote, quum ex hac paucorum dominatione ve- ram urbis historiam, quae autea fabularis fuisset, initium capere his verbis con- tendisset:„The line of Heracleid kings in Corinth subsides gradualty, through a se— ries of emply names, into the oligarchg denominaled Bacchiadae or Bacchiads, under whom our first historical knomledge of the cits begins.“ Hist. of Greece III, 2. Ut enim, quod Anglus non negavit, in posterioribus multa sunt fabularum nebulis involuta, ita in prioribus nonnulla sunt extra omnem criticorum disceptationem et dubitationem posita, vere historica, velut Corinthus urbs ab Aleta occupata, expeditio in Atticam facta, Megaridis pars in Corinthiorum ditionem redacta Bacchidis regnum ex hereditario iure posteris relictum.

†) Olynth. III, 31. †f) Republ. I, 25, 39; 27, 43.