7
—ᷣ ᷣᷣ—’ÿᷣ
Obsopoei Castigationes, quas hic secundum codicem manu scriptum(judice Obsopoeo)„admirandæ vetustatis“ et e Pannonia sibi oblatum ad Aldinam l corrigendam a. 1533 4° ediderat, et quas ille ad calcem Editionis suæ re- cudi jussit. Nunc deperditus est codex; nescio enim quid Reiskio persuaserit (Praef. p. LV) illum Pannonicum in Bibliothecam Caesaream Viennensem esse illatum. Viennenses quidem cum Pannonico non consentiunt. Adhi- buit Wolfius etiam Augustanum 1, at demum opere confecto diversam le- ctionem in Augustano per Simonem Fabricium hominem doctum, gnavum et fidum(Reisk. Praef. p. LXV) excerptam ad calcem adjecit. De illo Me- lanchthonis discipulo vid. I. Alb. Fabric. Centur. Fabricior. I p. 69. In textu emendando nulla, ut videtur, codicis manu scripti ope adjutus est Wolfius nisi forte raptim inspiciens. Hoc teneamus, ne nos in errorem seducat et fuco novae auctoritatis decipiat. Namque sub specioso ejus ti- tulo vulgaris ille Index deprehenditur sic inscriptus:„Variae lectiones totius operis Demosthenici e quatuor diversis codicibus collectaeé.“ At codices non manu scripti, sed typis expressi intelliguntur, et quatuor illi sunt Al- dinae, Felicianae, Herwagianae et Paulinae Indices, duos Wolfius pro le- ctoris commodo in unam copiam conflavit. Item aliis Variantibus haec praeposuit:„Annotationes, in quibus ea omnia diligenter perscripta sunt, quae in codicibus hactenus editis aut depravata aut praetermissa fuerunt, ex Lutetiano codice correcta atque addita.“ Intellige Editionem Mo- rellianam; ejusdemque Indicem repetiit Wolfius titulo praefixo:„Variae Lectiones et notae e Lutetiano codice excerptae.“ Immiscuit suas annota- tiones, etiam varias aliorum codicum mstorum lectiones. Hunc Indicem appellavit Reiskius Farraginem I olfii.
Morellius octo novis codicibus mstis excussis Demosthenis opera edere coepit, illoque mortuo quum liber usque ad p. 264 versus finem orationis fals. legat. processisset, a Lambino, sed ut videtur sine codd. mstis absolutus est Parislis ap. Benenatum vel Michaélem Sonnium a. 1570 fol. Morellius margini(Herwagianae 1) varietatem codicum suorum accu-