10

omni jure indignus habebitur. Doctor, cui perinde est, discipuli mul- tum an parum in literis proficiant, bonis an malis moribus insignes sint, vel qui desperat, se improbitati et perversitati juventutis frenum injicere posse, qui denique odium et amorem, laudem et reprehensio- nes hominum, ex indolentia quadam, aequo et tranquillo fert animo, quomodo is muneris sui officiis inter tot labores et aerumnas satisfa- ciendi animi fortitudine et immobili constantia satis instructus erit? Haec est falsa et spuria patientia, nullum hominem, minime autem pae- dagogum, decens. Sed vir, qui, juvenilis animi cognitione bene im- butus, eo pervenit, ut nec errorum, nec infirmitatum tenerioris aeta- tis ignarus, cum forti et firmo proposito, omnibus, quae intellectum pervertere et animum corrumpere possunt, bellum inferendi, indul- gentiam, lenitatem, clementiam, facilem ad dandam veniam animum et prudens consideratumque consilium jungens, nunquam fatigatur diurnis nocturnisque curis et laboribus ad ingenii morumque juventutis cultu- ram impendendis, hio veram et genuinam patientiam possidet, quae nulli homini magis, quam paedagogo necessaria est. Haec vera patien- tia, quae nunquam exhauritur, haec charitas nunquam fatiscens, si ce- tera omnia mutantur et evanescunt, manebit eadem et immutabilis. Ut amor hominum inter cultorum religionis christianae virtutes, sic ila vera et genuina patientia, charitatis christianae filia, si justitia, pru- dentia et aliae supra nominatae virtutes, tamquam inseparabiles ei ad- ditae fuerint comites, inter paedagogi laudes, semper mirum in modum excellet et principatum tenebit,

Ut multa alia,— quae, si rerum paedagogicarum periti admiratio- nem non excitarent, id ipsum maxime admirandum foret,— silentio prae-

termittam, pauca tantum, quae sane maximi momenti sunt, breviter