36

17. Tempus examinihus ordinariis per statuta praestitutum paedagogiarcha non temere ac levi de causa, neque sine consensu rectoris et decani facultatis philosophicae mutet.

18. Ad examina invitentur theologicae facultatis decanus et philosophicae professores ordinarii.

19. Examen paedagogiarcha dirigat: eo finito de eximendis et promovendis cum praecep- toribus et examinatoribus conferat, atque ex eorum consilio et consensu negotium exemptionis et promo- tionis solenniter peragat honorariumque distribuat.

20. Ad publicas lectiones nemo ab eo dimittatur, nisi qui fundamenta in praeceptis et in conveniente praxi grammatices latinae et graecae, logices item et rhetorices rite iecerit et hoc in examine ostenderit. Super quo et suffragia imprimis examinatorum audienda et attendenda erunt.

21. Promotionem puerorum ex inferioribus ad superiores classes communicato cum pravccep-— toribus consilio et eorum auditis sententiis iuste institiat, nec nisi dignos, qui laudabiliter in examine steterint et suos progressus probaverint, promovere studeat.

22. In privatis collegiis distribuendis iustus servetur ordo, ut communis discentium utilitas promoveat, nec rixis inter praeceptores inde exurgat occasio.

23. Scholae civicae, ut ea seminarium sit paedagogei, rationem quoque habeat paedagogiarcha, proptereaque eius examinibus intersit prospiciatque, ut non minus hic, quam in paedagogeo ordinatio scholastica accurate observetur, metaque praefixa a discipulis intra iustos aetatis annos obtineat.

24. Eidem quoque cum decano facultatis philosophicae curae sit, ut novitii ad academiam aspirantes et imprimis ex inferioribus Hassiae scholis adventantes diligenter explorent, an ad lectiones academicas audiendas idonei sint et eam attigerint metam, quae in principali constitutione est praetixa et praescripta.

2. De officio praeceptorum.

1. Praeceptores paedagogici morum probitate, eruditione, gravitate ac moderatione animi praediti publicoque magisterii gradu ornati sunto.

2. In commissa sibi sparta adornanda fidem, alacritatem, patientiam et constantiam praestanto.

3. Inter se vero concordiam, benevolentiam et mutuam dilectionem alunto: nec simultatibus occasionem ullam praebento, alterius aestimationi, authoritati et honori nihil deroganto.

4. Paedagogiarcham amore, honore et benevolentia prosequuntor et salutaribus eius admoni- tionibhus parento.

5. Si quid intervenerit dissidiorum non id fovento, aut in alterius invidiam ad alios deferunto, sed aut ipsi inter Se componunto, aut ad paedagogiarcham deferunto.

6. Praeceptores suo loco prope discipulos inspectionis et maioris authoritatis ergo; in templo se sistunto, et ut non tantum discipulorum cantus recte et concinne dirigatur, sed et iidem attenti et modesti sint, curanto.

7. Imprimis praeceptorum unus per vices discipulos ad templum deducito, eosque ante con- cionem precibus, hymne et lectione s. ad devotionem excitato et praeparato, post concionem autem eius summam aut partem exigito.

8. Praescriptas inm ratione officii operas quisque s„νον putato, nec nisi praemeditatus ad eas accedito.

9. Ad horam praescriptam in auditorio singuli adsunto et precibus publicis cum reverentia intersunto. Si autem per negotia, quae dilationem non feruut, aliasque sonticas causas adesse non licuerit id paedagogiarchae significanto insuperque alteri collegarum vices suas mature demandanto.

10. Dictis precibus ad suas se operas accingunto, primumque de officio custodum et absentibus tum de notis morum et linguae vernaculae inquirunto annotatosque pro ratione delicti puniunto.

11. Dehinc lectionem pridie praescriptam et explicatam accurate exigunto et negligentes nunc increpanto, nunc e Statione sua cum pudore extrudunto, nunc ineundem lapidem impingentes gravius habento.