15&◻&

Zum Vierdten Funffhundert thaler, So wir Landtgrave Philipßen zu Heßenn dem Jungern habenn vorgeſetzt, Lautt S. L. ubergebenen Brieffs, des anfang iſt, Wir Philips der Junger vonn Gotts gnaden Landtgrave zu Heßen, Grave zu Catzen Elnbogenn 2. vnndt am beſchluß Endet ſich Datum Anno Dominj Funffzehnhundt vnndt im Sechs vnndt Sechtzigſten den Eilfften Monatstag Martij.

Zum Funfftenn zwey Taußendt thaler werdenn Jährlich auß dem Ambt Landeck vertzinßet mitt hundert thaler Inhaldts der verſchreibung Im anfang meldende, Wir Wilhelm von gotts gnaden Landtgrave zu Heßen, Grave zu Catzenelnbogen 2. vndt am Beſchluß helt, der geben iſt zu Caßel den dritten Monats⸗ tag Novembris Anno Dominj Ein Taußendt Fünffhundt Sech⸗ tzig Siebenn.

Zum Sechſtenn Zwey Taußendt gulden Haubtgeldts uff dem Eußer Kirchdorffer gericht, lautt der verſchreibunge, Die alßo meldet, Von Gotts gnaden, Wir Ludtwig Landtgravezu Heßen:. vndt Ihr Datum helt, Marpurg am tage Sanct Michaelis den Neun vnndt Zwantzigſten Septembris Im Jahr Funffhundert Siebentzig.

Zum Siebenden, Sieben Taußendt gulden Franckfurther wehrunge auff der Stadt Franckfurth am Mayn nach beſage ihrer ubergebener verſchreibunge. Der Anfang alßo ſteht, Wir die Burgermeiſter, Schöpffen, vndt Rath der Stadt Franckfurth Be⸗ kennen ondt thun kundt 2. Werden Jährlich in der Herbſtmeße mitt zweyhundert Achtzig gulden verpenſionirt, vnndt iſt ihr datum verruckt auß beweglichen uhrſachen, dz alßo helt, Geben Freytags den Achten des Monats Septembris uff vnßer Frawen geburts⸗ tag Nach Chriſti vnßers lieben Herrn geburtt Im Funffzehnhun⸗ derten vndt Siebentzigſt Jahre.

Vber diß vndt zum Achten geben, Ordtnen vndt Cediren wir, auß ſonderlichen bedencklichen vndt Erheblichenn vhrſachen zu Obangeregtem werck vnßere vndt vnßers Stiffts Korn, Haffern vndt fruchtzienße Stendig oder vnſtendig, Sambt der geldtzinße vnßer Probſtey zu Blanckenheym, wie wir dieſelbige biß dahero in⸗ genommen, genutzt vnndt gebraucht, Auch das ein vertzeichnus vnndt