14 GE

geſpeißet vndt vnderhalten werden ſollenn, ſolcher Summen ver⸗ ſichert vndt vergwißigt werden möchten, So haben wir zue ſol⸗ chem werck vor uns vndt vnßer Nachkommen, vmb Gottes, ſeines heyligen Nahmens auch Chriſtlicher Zucht, Lehre vndt Erbarkeitt willen Eigenthumblich deputirt, geeignet, gewidtmet, geordtnet, Cedirt vndt ubergeben, Resigniren, Cediren vndt ubergeben, Eigen zu hiermit wircklich vndt in crafft dies Brieffs wißendtlich, Ewiglich vnwiederrufflich mit vollkommener Cession, abtrettunge vndt allen gebuerlichen solenniteten auch in beſter form, maß vndt geſtaldt als ſich dz nach geiſtlichen vndt weltlichen rechten auch aller Landtsgewohnheitt vndt gebrauch gebuehret vndt am beſtendigſten geſchehen ſoll, ſein kan vndt magk.

Nemblich Eintaußendt thaler Haubtgeldts, werden Jährlich mit funfftzig gulden Jeden zu Sieben vndt zwantzig Albos getzalt auß dem Ambt Schotten verzinßet, lauth des Kauffbrieffs im anfang haltende, Wir Philips von Gotts gnaden, Landtgrave zu Heſſen, Grave zu Catzen Elnbogen, Dietz, Ziegenhain vndt Nidda,? Bekennen hieran offendtlich dz wir eins rechten Kauffs? vnndt endet ſich, geben zu Caßel am Neundten tag Novembris Im Jahr Taußendt Funffhundert viertzig Sechſten vor Eins.

Zum Andern Acht Taußendt goldtgulden, werden Jährlich uff Laurentij mitt vierhundert goldtgulden Je funff orth eins gulden vor Ein goldtgulden gerechnet, auß beyden Ambten Grun⸗ berg vndt Nidda vertzinßet, Lautt der verſchreibunge, der anfang meldet, Von Gotts gnaden wir Philips Landtgrave zu Heßen, Grave zu Catzenelnbogenn 2. Endet ſich, Geben vndt geſchehenn zu Friedewaldt am Sechs vndt zwantzigſten tag des Monats Julij Im Jahr nach Chriſti vnßers lieben Herrn geburth Tau⸗ ßendt Funfhundert Funfftzig funff.

Zum Dritten, Vierzehn Taußendt gulden Haubtgeldts Jähr⸗ lich uff Michaelis auß den Ambtern Rottenberg, Newkirchen vndt Alſfeldt zu verpenſioniren, Lautt des Brieffs des Anfangs helt, Von Gottes gnaden Wir Philips Landtgrave zu Heßen 2. vndt am ende meldet, geben vndt geſchehen zu Caßel den Zwan⸗ tzig Funfften Tag Martij Anno 2. Sexagesimo Secundo.