2 16 SE⸗

Regiſter hirneben ubergeben vndt zugeſtelt habenn, Doch mitt dem gedinge, dz wir oder vnßer nachkohmen, ſolche frucht vnndt geldtzinße Jedes Jahrs Michaelis mitt drey Taußendt gulden Jeden zu Sieben vndt zwantzig albs abloſenn vnndt wiederumb an uns keuffenn vnndt dz haubtgeldt an gewiße vnderpfande anlegen mögen.

Deßgleichen ubergeben wir vor uns vnndt vnßere nachkom⸗ men, vnßer Cloſter, mit ſeinen gebewenn vnndt umbfang, wie dz begrieffen iſt alhie zu Herßfeldt neben dem Newen Marck nach der Stadt Maur So etwan zum Bruder genandt worden, mitt aller ſeiner Immunitet, Libertet, vnndt Freyheitt(doch vnßere, onßers Stiffts vnndt nachkomen Hoheitt, freyheitt, Obrigkeitt, recht vnndt gerechtigkeitt, wie in andern vnßers Stiffts freyen Heußern außtrucklich vorbehaltenn) gleichfals zu ſolcher Schule, darinnen beydt habitationes vndt wohnunge vor die praeceptores vnndt auch die Schuler anzurichten ondt ufs formlichſte zu ma⸗ chen. Inmaßen wir dan daßelbige zum theil dartzu albereitt haben zu werck richten vndt furters mit Göttlicher verleyhunge außfuhrenn zu laßenn willens, Alßo vnndt dergeſtaldt dz ſolch obgemelt Haubtgeld vndt Jährlich darvon fallende Penſion, Nu⸗ tzunge ondt andere gefelle, Desgleichenn die Behaußunge, woh⸗ nunge vndt umbfang vorgemelt, zu ſolcher Schulen zur onder⸗ haltunge frommer Gottsfurchtiger, zuchtig vndt gelerter Prae- ceptorn Lehrer vnndt Schuler, Auch deren Armen, ſo zu ſolcher ſchule Ihres ſelbſt eigenen vndt Ihrer Eltern vnvermögen halben vmb gottes willen, zur Zucht, Lehre vnndt Erharkeitt offertzogen vnndt geſpeißet werden ſollenn, Durch aufrichtige Dartzu ſonderlich verordtnete Perſohnen zu ewigen Zeitten In Allermaßenn wie wir ſolche biß dahero genutzt, gebraucht, Ingenommen, Erhaben!), genoßen vnndt angewendet werden ſollen, Alßo vnndt mit der beſcheidenheitt, dz wir vnndt vnßer Nachkommen am Stifft Jedertzeitt einen oder mehr Oeconomum, verwaltern vndt uffſeher ſolcher Schulen Constituiren, Ordtnen ondt ſetzen wollen, welche Jährlich vnndt Jedes Jahrs beſondern

¹) Hier iſt haben hinzuzudenken.