[BI. 179]

35⁵

40

45

50

5⁵

60

65

70

75

— 26—

Que mal est apensés qui son sens trop delaie.

„Sages est qui son sens en aueun bien assaie. Qui ainsi ne le fait de son sens fait essaie. Pour ce m'est pris talens k'a verité me traie, Que des hoirs Ermeugart Pestoire vous retraie,

Comment que je la rime fortement enpris aie,

La verité dirai, de ce pas ne m'esmaie.

Dame fu bele et sage, plaisans et simple et gaie

A son taus ne fu mieudre, blonde, brune ne baie.

Je m'ieér ja en cel point pour mesaise quéè j'aie,

Se de lui oi parler que mes cuers ne s'apaie.

De li vint la lignie qui fu et fine et vraie,

Qui sor gent Sarrazine paiierent si grief paie,

K'adés les guerroiierent sans pitié, sans manaie.

Souvent les en chaucierent par bos, par mainte haie,

S'en orent sor les cors maint coup et mainte plaie.

Plus loiaus gens ne fu tant com li solaus raie, Ne de plus grant vaillance.

En esté quant li jour sont bel et lonc et cler,

Que la rose est florie et bele a esgarder,

Tout droit a ce termine que m'ocz deviser

Fu li quens Aymeris a Nerbonne sor mer.

A une pentecôuste i ot fait assambler

Dames et chevaliers, kan c'on en pot trouver.

Car andeus ses neveus i veult armes donner,

Gerars et Gufelin qui mout font a loer;

Pour lor amour en fist cent autres adouber.

Maint haut baron i ot que je ne sai nommer;

Mais tout ne vous vueil pas orendroit recorder.

Gerart et Guielin fist li quens apeler.

La nuit orent veillié au moustier St. Omer,

Renaut de Montarmer et Navari li ber,

Et maint autre grant prince furent a l'adestrer.

Guillaumes Fierebrache ne s' volt arrester,

As ses neveus ala les esperons fremer.

Ains n'i laissa nului fors que lui adeser.

Et Aymeris li quens çaiut chascun le bran cler,

La colee leur donne avant les fait aler.

Bel et plaisant estoient andui li bacheler,

Ermengars la contesse va chascun saluer,

Encontre aus s'est drecie si les keurt acoler,

Mout doucement les baise de fin cuer sans amer.