— 25—

Beuves de Commarchis par le Roy Adenez. Handschrift: Paris Arsenal Bibl. B L F 175 Bl. 179a.

1

[BI. 1792] Ce fu ou tans d'esté, si comme ou mois de mai, K'en maint lieu resplendissent cler dou soleil li rai, Et que arbre florissent, et pré sont vert et gai; Lors m'est pris volentés que tous jours maintenrai;

5 De cele volenté ja ne me partirai, Se dieu plaist et ses sains, tant com je viverai. Ce est que des preudomes volentiers parlerai. Se d'aus sai aucun bien, je le recorderai, Se de nului sai mal, trestout quoi m'en tairai;

10 Ainsi le doit on faire, et ainsi le ferai. Tout droit en cel termine dont je parlé vous ai, A Saint Denis en France la droite voie alai, A un moine courtois sagement m'acointai; Dans Nicholas ot non, car je li demandai,

15 D'estoires anciennes enquis et encerchai, De la geste Aymeri quis tant et reverchai Que je la vraie estoire avoec moi en portai. Hor d'un mout tres biau livre la matere en puisai, Mainte autre grant estoire avoec i esgardai.

20 Mais pour la plus certaine a cesti m'apoiai; Pour ce qu'est mal rimee, la rime amenderai Si adroit que l'estoire de riens ne fausserai. Menconge ne oiseuse ja n'i ajousterai, Mais parmi la matere droite voie en irai.

25 Je ne vous dirai mie dou songe Erminolai, Ne comment Crucados ala au virelai ¹) Quant il trouva les fees en la forest du glai. Ains dirai vraie estoire dont ja ne mentirai, D'entrer en ma matere plus ne me targerai.

[Bl. 179 b] 3³⁰ Aymeris et Guillaumes et Beuves au cuer vrai Estoient a Nerbonne. Huismais nul mal n'arai Quant je si faite gent ci endroit nommé ai.

Preu furent et preudome. Bien avez oy dire gent letree et gent laye

¹) Auf welches Gedicht spielt Adenet hier an?„Crucados kommt auch in der bat. d'Aliscans vor éd. de Montaiglon p. 184.