100

105

110

115

[Bl. 110d)

120

125

130

— 24—

Car se paien l'ataignent, ja n'istra mais de poine A nul jor de sa vie. As pres desoz Nerbone sont François el sablon, A joie bohorderent, honques n'i ot tençon. A tant es vos Gerart, lou fil au duc Bovon, Mist sa main a Antiaume, lo seignor d'Avignon, Puis en a apelé Berangier et Sanson, Bernart de Morinvile et son freire Guion, Et Jofroi l'Angevin et Hunalt lou Breton, Savari de Cologue, Gautier de Teracon. „Seignor,“ ce dist Gerars„entendés ma raisson! Nos sires Aymeris n'a soing se de pes non. Maldite soit Espaigne, la terre Faraon, Cant sore ne nos corent a coite d'esperon Que chascuns poist tendre son vermail ciglaton. Or ne seit on a dire qu'est malvais ne qui non. Mais par la foi que doi au cors S. Simion, Ja ne vairés.I. mois qui c'an poist ne qui non, Que ge cuit asaillir lou lignage Mahon. Chascun de vous donrai o chastel ou don jon.“ De cest mot s'esjoissent trestuit li danzillon, Mais ansois qu'il soit vespre changeront lor raisson. Es vos lou mes pui vient brochant a esperon Et fu el cors navrés et se tient a l'arçon, Tant out lo jor hasté son auferrant Gascon. Sanglant avoit lo cors, lo vis et lou crepon. Aymeris li vait contre, antre lui et Bovon, Gentement li demandent:„Comment as tu a nom? Quel gent as tu trovés? conte nos ta raisson!“ Mais cil ne lor pot dire honques ne o ne non, Ans enbruncha lou chief si baissa lou menton, JIIII. fois se pasma antre les bras Guion, Mais li cuens lou detint.

100 le tienent— 102 es— 108 huinant— 109 S. de toulouse— 114 poyst taindre.— 115 car ne set on— 116 fehlt— 117 ia ne verront.I. mois— 118 estormir— 119 das erste o fehlt; chastel ou fort donion— 121 fehlt— 123 si se tint— 125 le piz et le crespon— 126 A. ua encontre— 127 de- mande— 129 mais] et— 132 mes li quens le redrece.

—-—