„Trez douz enfant,“ fait ele,„pensés dou bien ouvrer!

Or soiez si preudome que diex vous vueille amer;

Vous estes dou lignage qui ne doit pas fausser.“ 80„Dame,“ ce dist Gerars,„diex nous doinst si errer

Que nos vies puissions en son service user!

De ce nous vueille diex et sa mere escouter!“

Les tables furent mises s'assisent au souper,

Des mes ne des viandes ne vous vueil aconter. 85 Quant il orent mengié, quintaine font fermer.

Dame Ermengars i fait un pavillon porter,

Ou les dames iront seoir et deporter.

De la vile s'en issent li demaine et li per,

Sor les destriers corans s'en vont sans arrester 90 En mi la praerie.

De la vile s'en issent ensamble li dui frere,

Et la bachelerie haut chantant a vois clere,

Nul d'aus pour lonc aage ne couvint barbe rere.

Ermengars sist ou tre qui fu fais a Brangere, 95 Une cité qui siet deseur Paigue de Sere;

Nul plus biau tre ne vit ne rois ne emperere.

La se sist la contesse qui n'ot pensee avere,

Plus ert plaine de grace que ne soit la panthere,

Que les bestes poursuient pour sa douce matere. 100 Quant ele voit Guillaume et Beuvon et lor pere,

N'est joie terrienne k'a la soie compere.

„Ha! sire diex“, fait ele,„qui fustes presentere

De nostre cors, pour nous mout fu larges donnere, Quant pour nous receustes la mort douce et amere.

105 Sire! mout vous devroie amer si je sage ere, Quant a conte sui femme et a ces enfans mere. Or en soiez douz sire, s'il vous plaist, gouvernere.

Com de la vostre gent en soiez vous gardere Par vo douce poissance.“

₰