— 3— X

beiden von Micyllus mit dem Holzhausenschen versehen. nauen Wortlaut der drei Aktenstücke folgen, mit Beibehaltung der Orthographie und Interpunction des Originals, jedoch da sie im Wesentlichen nach einer und derselben Formel abgefasst sind, nur das erste von Wilhelm Nesen vollständig, und bezeichne

sodann die wenigen Punkte, in denen die beiden andern von jenem abweichen:

1.

lch Guilielmus Nesenus bekennen offentlich myt diesem briefe myt myner eygen hant geschrieben, das ich der Ersamen und weysen Burgermeystere und rat der stat zu Franckfort myner gunstigen herren dysse volgend dry jar diener worden bin ire und gemeyner burgerschaft kyndere in derselben myner kunst zu latyn zu lernen so ferre myr mogelich umb eynen ziemlich belonung. Ich sol auch allen 5 tag eyn stunde offentlich lesen wo ich erbare horer haben mag yn mynem huss oder inn eynem closter, doch ob myr frembde kindere zugethan wurden die mag ich myns gefallens annemen und myt den wy mir ebent uberkommen, und weres sach das ich inn zyt dysses mynes dyenst myt enchem jungen oder sunst myt burgeren irrig oder zu schicken gewinnen wurde welchre gestalt das syn mochte, 10 darumb sol und wyl ich auch recht und bescheydenheit geben und nemen vor des heligen riche und irem gericht oder wo es der rat hynwyset und sunst nirgend ander, wurden auch die benante myn lieben heren mich in andern iren sachen, es sy zu reden zu begryffen oder zu raden brauchen, das alles sol ich on weige- rung wyllig thon, wurde auch myr yn mitler zyt etwas besseres anstehen, es sy 15 inn geistlichen oder weltlichen sachen, das sol ich eynem erbaren rat zytlichen an sagen, auch eyn andern ob ich mocht an myn stat bestellen, dar umb und dar fur sollen die benanten myn lieben heren myr alle jar geben funfzig gulden und darzu eyn behausung stellen wie yn fuglich und eben ist one myn beswerung, welcher zyt ich auch mych nyt halten wurde bynnen gemelter jar zal das ich eynem erbarn rat 20 lydlich were, so sollen sie myr urlaub zu geben macht haben, doch das myr nach anzal der zyt werde wes ich verdient het, dasselb sol ich auch wyllichlich anne- men. Ich sol und wyl auch ob ich eyns erbarn rats heymlichkeyt erfarn wurde, dasselb nummermehr offenbaren sonder solchs verswigen, ich sol und wyl auch eyns erbarn rats und irer burgere schaden warnen ire bestes werben als fere 25 mych craft und macht getragen mag ohne alles geverde. Alle vorschrieben stuck punct und articule hab ich Guilielmus Nesenus obgemelt myt hantgebenden truwen

gelopt und darnach eyn lyplichen eydt zu got und den heligen gesworen stet vest 1*