14

comparatione Cnidii Gygis, duobus tantum verbis signiſicata, car- men exire omnino non potest. Si poeta puellam cum numine homineve noto, veluti cum Luna, comparasset, satis erat, ut eam breviter commemoraret, Ita si stropha caderet:»Luna mari Venerisve sidus«, sententia plena carmenque integrum videri Posset. At quum nova, inusitata ignotaque imago esset subjuncta, uberius primum debebat declarari. Praeterea quum scholiasta Juvenalis ad versum Sat. XV, 137 declarandum nostro utatur loco: antiquitus jam hanc stropham exstitisse, patet, ita ut minus etiam serius addita spuriaque esse videatur ¹),

Cap. IIV.

Carm. II, 11,

Hoc carmen Horatio indignum et ab aliquo, qui experiri voluisset, quid in imitando argumento, a Graecis Romanisque poetis, praecipue ab Horatio diversis modis tractato, valeret, e laciniis hinc inde collectis consarcinatum esse, quum IHofmanus fidenter contendat: videndum, quibus documentis probet tam in singulis verbis et sententiis, quam in toto versuum contextu et sensu quaerendis.

1. Et primum quidem in singulis verbis et sententiis vir doctus non sine causa haeret.

d. Jam inscriptionem ideoque vocativum versus secundi affectat, quum Hirpini in gente Quinctia non obveniant.— Ego quidem familias Plin. H. N. VII, 2 Hirpias in agro Faliscorum prope Romam, sed nuspiam Hirpinos investigare potui. Praeterea

1) Cl. Orellius obscure tantum significat, non neminem has strophas supervacuas habere.