— 52—

argumento, partitioneque saltim generali praelegitor: praeces recitanti omnes suas arden- tissime conjungunto: Biblia legenti attente et sine cujusqnam perturbatione auscultantor. Et Psalmi vel hymni cantione finitis precibus ad suum quisque musaeum decore recipito, diebus Dominicis et Festis, imo et aliis, quoties Ecclesia convenit, conciones non negligun- tor, sed cum devotione et reverentia audiuntor: sub poena suspensionis remotionis vel carceris.

V. Noctu a Tabulato nemo obligatorum abesto, sed octavam vespertinam ad suum se quisque museum recipito, sub poena suspensionis, remotionis vel carceris. Absentiæ a mensa e precibus vel concione causa indicator Ephoro, satis praegnans si non fuerit, pro merito in talem animadvertitor.

VI.

Ad cibum in communibus mensis capiendum hora undecima antemeridiana, et hora sexta pomeridiana, cum signum datur, cuncti modeste et sine strepitu congrediuntor, et sua in mensa quisque modeste et sine strepitu, donec cibus apponatur, sese contineto: Qui petulantiam aliquam in risu movendo vel strepitu excitando exercuerit, severe incre- pator, si admonitionem admittere nolit, ad tempus suspenditor, vel carcere a Rectore pu- nitor. Incorrigibilis removetor.

VII.

Preces ante et post prandium et coenum recitanti suas quisque devotas adjungito, prælectioni etiam Bibliorum ordinariæ vel Festis et Dominicis diebus, Epistolarum et Evange- liorum inter prandendum et coenandum per vices faciendae, attente auscultator.

VIII.

Cibum et potum omnes modeste capiunto: cibi distribuendi potusque præbendi potestatem alter post alterum per vices capito. Nemo alterum temere debita portione de- fraudato: nemo quicquam vel cibi vel potus e loco communium mensarum auferto: oeconomo ipsisque ministris nemo molestiam ullam exhibeto: solutionem duodecim grossorum Ma- rianorum singulis septimanis die Saturni inter horam duodecimam et quartam pomeridia- nam omnes non obligati eis qui ad hoc a celsitudine nostra constituti faciunto. Qui secus faxit, removetor.

IX.

Cerevisiam nisi illi qui ad hoc ab oeconomo deputati erunt, præsentes fue- rint, nemo infundito. Quisquis post-cibum sumtum modeste ad museum rursus se conferto, convivium aut compotationem in loco communium mensarum nemo instituito: cum oecono- mo vel ejus ministris nemo rixator. In culinam nemo ingreditor. Si qua litigii causa orta fuerit, ea admonitum Ephori statim cesset. Qui secus fecerit, ad Rectorem delatus carcere, vel aliter condigne punitor, vel a beneficio communium mensarum removetor.

X.

Mensas, scamna, sellas et alia quaecunque utensilia et instrumenta ad communes

mensas vel Musea pertinentia, vel oeconomi privata, nemo scindito, frangito, corrumpito,