— 53—
vel quicquam eorum auferto. Qui tale quid committere ausus fuerit, reparatione retitu- tioneque facta etiam singulari condigna poena afficitor. XI. Si quis librum, cultrum, vel aliam quamcunque rem suam per incuriam in loco communi mensarum reliquerit, domino suo confestim restituitor, aut oeconomo vel famulo communi aut restitutio domino fiat, commendator.
XII.
Hospitem ad communes mensas, nisi in tabellariis aut propinqui persona neces- sitas et honestas tale quid aliquando postulet, nemo adducito. Famulum aut puerum ul- lum in locum communium mensarum nemo admittito, nec subinducito. Qui admiserit, vel subinduxerit, suspensionis vel carceris, vel remotionis, aliamve condignam poenam sustineto.
XIII.
Ebrius ad communes mensas nemo venito: rixas aut contentiones inter consoda- les nemo concitato, sed fraternam concordiam omnes inter se serio colunto. Quod si inter aliquos rixæ aut contentiones subortae fuerint, caeteri praesentes eorum petulantiam tempestivis cohortationibus cohibento, et si non acquieverint sanis illorum monitis, Ephori vel etiam Rectoris et Senatus Academici autoritatem et opem imploranto.
. XIlV.
Modeste omnes de honestis studiis inter se conferunto; obscoeni actus et sermo- nes omittuntor, pro introitu et discessu, pro celebratione natalitii vel nominis, a nemine quicquam, sub quocunque praetextu exigitor aut solvitor; nec impune quisquam poculis jstis inhiabit aut illa degustabit.
Has leges, reliquaque Academiae Rinthelensis statuta communia omnes et singuli diligenter et reverenter observanto. Peculiares alias suas leges non habento. Si qui secus fecerint, in eos ab Ephoro animadyvertitor, arbitrioque Rectoris et Senatus Academici pu- niuntor, atque ad minimum a communium mensarum beneficio removentor, vel carceri includuntor..
Quandoquidem itaque a Serenissima celsitudine amplo hoc et liberali communium mensarum beneficio studiosis adolescentibus, quibus est res angusta domi paterve, succur- ritur, par est et condignum omnes et singulos grato animo celsitudini suæ, ut etiam Rec- tori et Senatui Academico suam approbare modestiam, diligenterque has servare leges, et secundum eas, aliaque Academiae Rinthelensis communia statuta, vitam sanctam instituere. Quod qui fecerint, haud dubie benedictionem divinam consequentur, ac celsitudinis suae ulteriorem provocabunt gratiam, nec non Rectoris, Senatus Academici, et omnium bono- rum conciliabant sibi favorem. Si qui autem eo petulantiae, et imprudentiæ prolapsi fue- rint ut has leges contemnere, et contra earum præscriptus aliquid committere non refor- mident, eos ut Rector et Senatus Academicus, nec non Ephorus, pro modo delicti severe et sine ulla indulgentia coerceant et puniant, serio his praecipitur, atque mandatur. Da- tum Cassellis Calend. Maii 1662.