—-— 49—

TITULUS W. De Disputationibus Academicis. I.

Disputationes publicas et solemnes singulis anni quadrantibus quisque Professor

in nostra Academia instituat eo ordine, quo ipsi inter se conventuri sunt. II.

Theses materiarum a Decano cujuslibet Facultatis prius inspectæ, in nostram Con- cellariam Aulicam censendæ transmittantur, nec sine censura et permissione dictæ nostræ Cancellariæ subnotationeque Cancellarii Academici ullæ disputationes publice proponentur.

III.

Probatœ autem et admissæ quatriduo ante in loco consueto affigantur, ut studio- sis constare possit tum de ipsa materia, tum de hora, die et loco habendæ disputationis. IV.

In ipso congressu prius Studiosi, quorum causa disputationes instituuntur, ad op- ponendum invitentur. Qui ea, qua discipulos decet, modestia et observantia, argumenta- tiones suas apponent præsidisque resolutioni reverenter acquiescant. Pertinaces autem et immodeste obstrepentes, Rector Academiæ, aut eo absente Præses sua auctoritate compes- cat, impositoque silentio aliis locum ad oveürnons faciat moderatiorem.

V.

Cessantibus Studiosis cœteri Collegæ et Professores placide et sedatis animis cum Præside colloquantur, et gravi simul ac civili sententiarum et argumentationum collatione veritatem investigent ac illustrent, ut studiosi adolescentes, quod opponi veris sententiis possit, et quomodo contraria diluenda sint, ex Præceptoribus suis audientes in veritate firmius acquiescant et judicia de maximis rebus instruant. In hunc vero usum inventæ sunt iste Academice Gαμιααέαν quas sophisticis rixis aut maledicis pugnis, aut venenatis con- tumeliarum aculeis in nostra Academia non permittemus dehonestari.

VI.

Nec Trimestres modo seu quadrantales disputationes ordinarie proponi a Profes- soribus acquiescimus. Verum Studiosis etiam sæpius id petentibus, præsidis officium mi- nime denegari jubemus.

VII.

Insuper privata tam lectionum quam disputationum Collegia, pro suo quisque com- modo, opportunis horis Professores instituant, adeoque omnium nationum Studiosos sine ullo discrimine admittant, modo præstiterint id, quod Collegii lex dictabit.

VIII.

Præterea omnibus tum in hac nostra Academia Holsato-Schaumburgica, tum alibi legitime promotis, Doctoribus, Licentiatis et Magistris, potestatem damus publice et pri- vatim legendi, profitendi et exercerdi eam artem, cujus gradum sunt consecuti, cum con- sensu Rectoris et Senatus Academici. I

Quod si quidam etiam ex Candidatis omnium quatuor Facultatum eos progressus 7