— 45—

aut studiorum gratia heic commorantes, aut inde discessuri, ullum introitum vel exitum, quem valete vulgo vocant, sub quocunque prætextu aliis studiosis elargiantur: neque diem natalem suum neque nomen aliquo convivii vel muneris apparatu et sumtu redimant: sed si tale quippiam posthac ab aliquo deposcetur, vo.umus et praecipimus, ut is e vestigio Rectori eum, qui id elicere et extorquere voluerit, revelet, cui seria et severa poena est serio destinata: imo impune hisce poculis nemo inhiabit, aut illa degustabit.

XXI.

Qui novitium vel quemlibet alium Studiosum secum intra vel extra urbem com- messatum, heluatum vel scortatum abduxerit, aut aliæ nequitiæ aliœve consortiæ impli- cuerit, pellexeritve pro corruptela carceri destinetur, nec inde, nisi duobus plus minusque Imperialibus in mulctam solutis, emittatur.

XXII.

Nullus in domum ubi nuptiæ celebrantur, non vocatus irrumpat, et ordinem sacri nuptialis aut chorcarum tranquillitatemque hospitum turbet. Et ut futuris querelis civium præcaveamus, admoneri studiosos a Rectore volumus, ut sciant, a nobis decretum, et Magi- stratui oppidi nostri Rinthelensis mandatum esse, ut quoscunque larvatos, vel alios, qui non invitati, in domos nuptiales irruunt, deprehensos recta in carcerem abducantur. Invitati autem, virgines viduas aliasve honestas matronas immodeste saltando in gyrum ne ducant: contemplatoribus mulcta arbitrio Rectoris irrogati.

XXIII.

Vetamus omnes larvatas discursationes, sive diurnas sive nocturnas quocunque anni tempore; indignum namque est iis, qui Musarum omniumque virtutum sunt cultores, orgia Bacchi stulta et insana imitari.

XXIV.

Vestitu Studiosi honesto, consueto et decenti amiciantur, omnemque luxum ac super-

biam, Deo et hominibus invisam, detestentur. XXV.

In hospitiis et Musaeis, mensisve civium, caste, modeste et honeste vivant: ac sta- tuto tempore hospitibus suis, pro victu atque habitatione pretium et locarium conventum persolvant, tenuioris praesertim fortunae oeconomis, quibus id est singulis mensibus per- necessarium: cum cætteris licebit Studioso ex remotissimis Regionibus adventanti vel tri- mestres, aut longissimum semestres inducias pacisci: locarium autem qui in aedibus Civi- um vel Academiae habitant, singulis semestribus praefectis et dominis domuum dependant.

XXVI.

Monemus, ne æs alienum, insciis vel invitis parentibus, praeceptoribus, consangui- neis vel tutoribus, apud institores, bibliopolas, sartores aliosve opifices contrahant, mul- tosque minus fraudandi animo creditores clam sese subducant, suique ipsius ignominiosum furtum committant, et famae insuper, quae homini probo ipsa vita carior esse debet, dis- pendium patiantur.

XXVII.

Prohibemus omnes ludos inhonestos, tesserarum, aleae, chartarum et similis. Ac