— 46—

ut in furto deprehensi restituere ablata coguntur, ita qui ludendo aliorum pecuniam, aut libros ad se transtulerunt, reddere eos alteri et praetereaq ambo pariter de Rectoris ar- bitrio puniri sancimus.

XXVIII.

Eos qui homines honestos ac innocentes vel fictis criminibus vel sycophanticis calumniis, vel libellis famosis lacerant, cum infamia relegari in perpetuum jubemus.

XXIX.

Qui famosos libellos invenerit, ne spargat, sed dilaceret, aut ad Rectorem clanculo

deferat, eidemque autorem vel conscium criminis, si noverit, indicet. XXX.

Inprimis cuilibet studioso finis, cura suis huc sit missus ob oculos animumque versetur: eoque accurate perpenso calcar ad virtutem et eruditionem sibi ipsi admoveat. XXXI.

Quisque lectiones publicas sibi conducibiles et necessarias assidue attenteque au- diat, neque ab illis per incuriam emaneat frequens aut perpetuus; emansor ad Rectorem deferatur, quem is officii sui sæpius admonitum, si antiquum obtinere perrexerit, Academia pariter et oppido interdicat. Qua in re tamen rationem haberi volumus cum status per- sonarum, tum aetatis etiam ac eruditonis provectioris.

PARS V. De Miscellis Academiæ Moribus ac Ritibus. TITULUS I. De Ritu Depositionis. I.

Ex trivialibus scholis in nostram Academiam advenientes adolescentes, volumus ut usitato in Germaniae Academiis more depositionis ludicro cornua deponant, in praesen- tia unius ad minimum Professoris ex Facultate Philosophica, qui a deponendis rogatus adsit.

II.

Peracta depositione præsentem Professorem reverenter pro absolutione a Beania requirant. III. Qui ante se positos diligentes examinet, super eorum progressu, examinatosque singulos, sale sapientiae aspergat. Tr

Deinde promittant examinatori serium pietatis cultum, morum integritatem, et de- bitum Praeceptoribus honorem. y

Denique examinator cuique pro exigentia ingenii et profectus in literis addicat lectiones publicas audiendas, aut privato alicui Magistro, si nec dum idonei sint ad publica auditoria frequentanda, in disciplinam commendet. Nec privatis Magistris, qui locum occu- pant Gymnasii classici, quemquam excludere aut rejicere fas sit.