— 43—

domi aliquid agentes, quumque sacrum est, latitent, vel extra urbis portas exspatiando avibus, columbis, vel hortorum opibus insidientur. In quos deprehensos Rector districtius animadvertat. V. Hortamur etiam Magistros, quibus Adolescentum erudiendorum cura commissa est, ut eos ad venerandum Ministerium Ecclesiae, et audiendas sacras Conciones, et com-

munem precationem Ecclesiæ in templo congregatae una faciendam, serio assuefaciant et impellant. VI.

Si quis ad Rectorem vel Senatum Academicum per Pedellum venire jussus non ierit, primo citatus sex, secundo 12 grossos Nisnicos pro contumacia solvat. Tertio cita- tus aut compareat aut Carceris malam mansionem ingrediatur.

VII. Majorem vero poenam, qui mandata Rectoris totiens neglexerit, sustineat. VIII.

Qui vero mandato seu arresto Rectoris retentus, contra ejus voluntatem hinc se proripuerit, aut qui legitime condemnatus contumaciter sententiae Rectoris stare detrecta- verit, velut infamis publica proscriptione eliminetur.

IX.

Obedire insuper praecipimus tum caeteris legibus Academicis, tum Edictis, quibus ad publicos actus, declamationes, disputationes et funerum deductiones studiosi invitantur et convocantur.

X.

Prohibemus eorum petulantiam, qui chartas publice affixas, quibus vel Edicta Rectoris et Senatus Academiae, vel disputationum materiae, vel significationes Professorum de lectionibus aut aliis materiis continentur, injussi refigunt aut auferunt. Quos quavis poena, cum deprehensi fuerint aut inquisiti, plectendos decernimus et sancimus.

XI.

Qui in Rectorem vel aliquem Professorem, quos ut Praeceptores suos Parentum instar honorare a lege divina jubetur, vi aut clam contumeliis debacchatus fuerit, de sen- tentia Senatus Academiae vel relegetur, vel ut infamis omnino excludatur.

XII.

Ut etiam publica Academiae nostrae tranquillitas firmius sit munita et occasiones caedium ac tumultuum evitentur, severissime interdicimus armorum quorumcunque(extra gladium consuetum, quem Nobilibus ac ingenuis ferre Sacra Caesarea Majestas, Imperii nostri consuetudo et aliarum Academiarum mores permittant) et inprimis sclopetorum ac bombardarum aenearum quarumcunque gestione. Quod si quis cum sclopeto aut bombar- da ambulare sine nostra, haeredum et successorum nostrorum speciali permissione, visus fuerit, eam perdat et praeterea thaleri lmperialis mulctam Rectori solvat; si vero in Ci- vitate globum vel bombardam noctu præsertim ejaculatus fuerit, sciat se hoc ipso facto et bombardam perdidisse, et relegationis poenam incurrisse.

6*