— 31— XXII.
In universum porro Rector absque respectu personarum ex bono et æquo jus dicat: obedientes et industrios secundum privilegia defendat, improbos et refractarios pœnis condignis donec ad frugem redeant, coërceant.
XXIII.
Studiosos desides, otiosos, potatores, aleatores, corruptores honestorum Adolescen- tum aliosve degeneres fucos, ab se observatos vel sibi judicatos Rector ad se accersitos acriter objurget et ad emendationem sub comminatione poenarum publicarum exclusionis, incarcerationis vel relegationis graviter percellat.
XXIV.
Quin imo exigente necessitate vel nimium grassantibus delictis, Rector insolen- tiam, malignitatem et proterviam Studiosorum edictis publice propositis compescat. Qui- bus si non obtemperant, carceribus inobedientes mancipentur, aut pro qualitate delicti aliis poënis coërceantur.
XXV.
Si vero Rector(quod absit) ad petulantiam et contumaciam Studiosorum contra leges delinquentium connivere voluerit, et in mulctis Professorum lectiones negligentium exigendis negligens ipse extiterit, nec admonitus officium facere perrexerit, Rector ipsemet persolvat mulctam, quamvis, qui tempore sui Magistratus deliquit, praestare debebat.
XXVI.
In gravioribus tamen causis, sine prævia deliberatione et communicato cum Col-
legis consilio, Rector nihil temere decernat. XXVII.
Quicquid autem in Senatu Academico decretum fuerit, ei sententiae parere qui- libet Professor et Studiosus teneatur, nec appellandi aut provocandi habeat licentiam, nisi enorme fuerit gravamen quod ad nos, haeredes et successores nostros referre nullus pro- hibeatur. A solo autem Rectore inique gravatus, ad Senatum Academicum supplicandi facultatem habeat. Qui convocatus, sententiam vel jussum Rectoris aut confirmet, aut reformet.
XXVIII.
Si quis vero Studiosus temerario ausu, ut Rectori cæterisve Professoribus nego- tium facessat ad supplicationis praesidium convolaverit, approbato Rectoris decreto, Fisco Academiae duos thaleros Imperiales pro redimenda molestia inferat. Temere autem a Senatus Sententia ad nostram celsitudinem appellans, poenæ nostrae arbitrii subjacebit.
XXIX.
Statuimus ut Rector intra octiduum post depositum Magistratum rationes reddat novo Rectori in pleno Academiae Senatu, de omnibus tempore Magistratus sui acceptis et expensis: et intra Mensem, sine peculiari Senatus Academici dispensatione, ex oppido nos- tro Rintelensi non discedat, ut si quæ inciderunt delicta adversus Leges Academiae com- missa, coram novo Rectore, vel etiam Academiae Senatu, petente Promotore, vel iis qui se injuste læsos arbitrantur corrigi possint.