— 17—

TITULUS IV. De Anatomiae Administratione. I

Physiologicus vel Anatomicus Professor singulis annis unam ad minimum Ana- tomen publice exhibeat, modo commoditas cadaveris non desit. Et brevissima methodo, dum Sectionem administrat, universi humani corporis partes edoceat.

II.

Pretium Anatomico Professori, pro inspectione quando cadaver secatur, a quovis Studioso exigere liberum esto,(ejusque pecuniæ tertia pars Chirurgo Lectori debeatur). III.

Cadavera quoque eorum, qui in nostro Principatu Schaumburgico fuerint ultimo supplicio affecti, Facultati Medicae petenti non denegentur, nisi nobis aliter fuerit visum.

. IV. Liberum quoque fuerit Medico in difficilioribus casibus et morbis, mortuorum corpora aperire, modo id fiat cum venia et pace proximorum defuncti agnatorum. TITULUS V. De Herbationibus. I.

Herbationes quoque singulis annis binæ vel ternæ, videlicet medio Vere, æstate et autumno, a Botanico Professore instituantur, tum in horto a nobis adornato et omni genere plantarum tam domesticarum quam exotericarum copiosissime exculto, tum in vicinis montibus ac nemoribus.

II.

Omnibus herbationibus Pharmacopoeus Academicus cum suis ministris interesse teneatur, ex quibus cum maximum commodum ad ipsum perveniat, volumus ut Botanico et cæteris Professoribus Medicis herbatum in campum et montes abituris tentaculum præbeat ex vino Malvatico vel condito.

III.

Studiosi etiam, qui herbationibus intersunt, ut animum gratum suis Præceptori-

bus declarent, conviviolo, herbatione peracta, Professores Facultatis excipiant. IV.

Festum denique collegii generale indicetur si quando herbationes celebrandæ sunt. SECTIO IV. De Offlcio facultatis Philosophicæ seu artium. TITULUS I. Philosophia peripatetica retinenda. I.

Philosophiam veram et non fucatam, in Academia nostra doceri et tradi jubemus, ex priscorum sapientum fontibus haustam, et Aristotelicis præceptis conformem.

3