— 8—

patus Holsato-Schaumburgici amplectendem ac tuendam: Concordiamque et consensum in doctrina cum Collegis constanter tueri velle promittet.

TITULUS III. De Lectionum Theologicarum Ordine ae Distributione. 1

Porro lectionum Theologicarum hunc ordinem sancimus, ut primus et ordina- rius Libros Mosis et vaticinia Prophetarum diebus usitatis quatuor per hebdomadem interpretetur.

II.

Secundus Evangelistarum et Apostolorum scripta explicet diebus ordinariis qua- tuor similiter.

III.

Tertius Augustanam confessionem ejusque Apologiam justa enarratione diebus ordinariis tribus illustret, indicatis Sacro-Sanctae Scripturae locis, nec non legitimorum Conciliorum et Sanctorum Patrum testimoniis, quae orthodoxo et perpetuo consensui Ponti- ficiorum aliorumque Sectariorum opponendo, in Ecclesia Catholica auctoritatem suam confirment, et novationis calumniam a nostris Ecclesiis depellant. Quarto die concionum formandorum rationem Studiosis Theologiae tradat et dispositiones Concionum subinde praescribat.

IV.

Quartus V. T. Libros Historicos ceu sunt verbi gratia liber Josuae, Ruth, Judicum, Libri Samuelis et Regum, Paralipomena etc. tribus ordinariis diebus strictim commentetur, textumque Hebraicum resolvat juxta Grammaticorum et Rhetorum praecepta, verumque et genuinum sensum exponat similibus aliis scripturae dicendi generibus et phrasibus, et simul indicet quo pacto hunc vel illum locum prisci interpretes, Chaldaeus, Syrus, Arabs, Graecus et Latinus in suis versionibus intellexerint, ut hoc velut compendio Studiosi pos- sint ad cognitionem Orientalium Linguarum, et earundem ministerio ad fontes ipsos Sacrae Scripturae sine magnis laboribus perduci. Nec inutiliter etiam Veterum Rabbinorum, nec non Sanctorum Patrum, qua Graecorum, qua Latinorum, expositiones, denique Profano- rum auctorum testimonia et exemplae, ceu quaedam Egyptiaca spolia, ad evin- cendas vocabulorum insignium notationes et emphases sententiarumque et Historiarum conformitatem adhibeat.

Quartum diem Chronico Philippi Melanchtonis recitando et illustrando impendat, aut aliud quoddam compendium historiae Ecclesiasticae instituat.

V. Hi quatuor Professores, ornati gradu Doctoris aut Lice ntiati Collegium consti- tuant Facultatis Theologicae et Fidem ac diligentiam in docendo suam Deo nobis et Aca-

demiae nostrae probent et consensum purae doctrinae ac concordiam inter se mutuo religio- seque colant, tueantur.