II.
Si tamen pestis bellive vis ingruat, Rector et Professores cum Studiosis, secedendi in locum tutiorem, quoad periculi causa cesset, licentiam habeant: moxque in locum soli- tum modo memoratum revertantur.
PARS II.
De institutis ac offlciis quatuor Facultatum Theologiæ, Jurisprudentiæ, Medicinæ et Philosophiæ. DE earumque Lectionibus et Promotionibus SECT. I. De O0fficio Facultatis Theologiæ, TITULUS I. Ut Theologia ex ipsis Fontibus biblicis tradatur, et Lectiones a precibus auspicentur.
I.
Prima et summa in instituenda hac nostra Academia cura et sollicitudo fuit, ut doctrina de Filio Dei Servatore nostro Jesu Christo, et de aeterna salute nostra, ex limpidissimis verbi divini fontibus, pura ac illibata teneris discentium animis instilletur et cum Lectione Bibliorum assidua universae doctrinae Christianae summa, in Symbolis Apostolico, Nicaeno et Athanasiano ab Apostolis et sanctis Patribus primitivae Ecclesiae comprehensa et a Doctoribus reformatae Ecclesiae in confessione Augustana, ejus Apologia, articulis Schmalcaldicis, Catechismis ac scriptis Lutheri aliorumque istis conformibus, fusius explanata et in unum veluti corpus redacta fideliter auditoribus tra- dantur a facultatis Theologicae Professoribus, quos Doctrina, pietate, prudentia, modestia et docendi dexteritate praeditos esse volumus huic tanto muneri a nobis aut haeredibus et Successoribus nostris praeficiendos.
II.
Quum vero ut gravissime D. Irenaeus dixit: Deumrecte discere, nemo possit nisi Deo ipso docente sine cujus Numine nihil est in homine, nihil est innoxium, ut pie canit Ecclesia. Ideo præcipimus, ut initium a Iehova fiat, omnis boni datore et largitore, et Lectiones Theologorum sacris precibus, non secus ac conciones in templis, inchoentur pariter et finiantur.
TITULUS II. De Receptione Professorum Theologiæ.
Quicunque ad Theologicam Professionem Academiae nostrae a nobis, haeredibus et successoribus nostris adsumetur, initium a lectione et disputatione publica auspicatus specimen ingenii acDoctrinae suae edet. Deinde in Consistorio nostro Ecclesiastico, praesente Academiae Cancellario, et Facultatis Theologicae ordinario seu Decano, sententiam de Religione suam diserte exponet, seseque ad Augustanam Confessionem, articulos Schmal- caldicos, Catechismos Lutheri, et ordinationem nostram Ecclesiasticam hujus nostri Princi-