— 4—

XI.

Omnes etiam Professores et officiales Academiæ nostræ cum universis familiis et substantiis, eorundem Viduae, quamdiu manent in statu viduitatis, tam Studiosi cum famu- lis et Suppellectilibus a publicis quibuscunque muneribus personalibus, excubiis, indictioni- bis, exactionibus, vectigalibus et arrestis sive personarum sive bonorum in territorio nostri Principatus Holsato-Schaumburgici, liberos et immunes renunciamus statuentes, ut quam- diu Academiae nostrae membra permanserint, absque impetrato nostro consensu nequeant arrestari, sed omnibus ac singulis Privilegiis, gratiis, libertatibus et immunitatibus gaudeant ac fruantur, quibus aliarum Academiarum et Universitatum praesertim Heidelbergensis, Tubingensis, Coloniensis, Triburgensis, Ingolstadiensis, Marpurgensis et Helmstadiensis Professores, officiales et Studiosi gaudere solent ac frui.

XII.

Publicis insuper Professoribus hanc peculiarem gratiam indulgemus, ut coquen- dae cerevisiae in aedibus suis pro se, uxoribus, liberis et domestica familia, non item ven- dendae, habeant licentiam et potestatem.

XIII.

Hisce Professoribus eorumve uxoribus ac liberis jus sepulturae in Coœmiterio

Collegii Academici permittimus et concedimus. XIV.

Denique omnes ac singulos Professores cujuscunque Facultatis et officiales Acade- miae nostrae, eorum uxores, liberos Familias utriusquesexus cum universis rebus ac sub- stantiis: nec non Studiosos, eorum Famulos et conjunctos cum omnibus supellectilibus, in specialem nostram, haeredum ac Successorum nostrorum Holsatiae et Schaumburgiae Princi- pum ordinumque nostrorum Provincialium, protectionem, tuitionem ac defensionem susci- pimus, eosdemque in Universis ac singulis beneficiis a sacra Cæsarea Majestate concessis atque a nostra clementia liberalius extensis fideliter constanterque protegere, tueri ac defendere pollicemur: quin et operam dare promittimus, ut quisque in accessu, mora et recessu, co- miter, benevole et honeste pro Status sui conditione et dignitate habeatur et observetur.

TITULUS II. De Memoria Introductionis et Inaugurationis Anniversaria. I.

Statuimus ut singulis annis redeunte solemni introductionis et inaugurationis die festum collegii solemne celebretur, et Rector Professores, Studiosi ac Cives Academiae et oppidi nostri Rintheliensis, in Templo publico concionem de Scholarum necessitate et dig- nitate audiant et vota ad Deum pro Universitatis salute, pro luce Evangelii, pro honesta- rum artium propagatione, pro Sacra Caesarea Majestate, Sacrove Romano Imperio, pro nobis, haeredibus et successoribus nostris Principibus Holsato-Schaumburgicis, nutritiisque Ecclesiae et Academiae harum regionum fundant.

II.

Eodem die declamatio ad Academiae statum accommodata, quae commonefactiones

discentium studiis ac moribus proficuas contineat, in Auditorio maximo recitetur.