373

vbel vnd onhail daher erfolgt da ſich die vnderthonen zu jeder gelegenhait wider Iren ordentlichen Herrn vndt Landtfürſten vnbefuegter weiſe vfflainen vnd empören vnd alſo ſie dahin gnedigſt vnd vätterlich weiſen vnd ermanen, damit ſie ſich aines beſſern bedenckhen vndt mebrer gehorſam vndt dankbarkait gegen E. K. Mt. wie billig ertzaigen vnd gebrauchen.

Was dan E. K. M. Curier die ſie vnderweilen in dieſe Landt ſchickhen ſicheren Paß belangt, Sollen E. K. M. mir gnedigſt glauben das dieſelbige bisher an denen orthen da mein gebott gilt, meines wiſſens im geringſten nicht vffgehal⸗

ten noch verhindert, aber gleichwol Inen wie ich verſtehe uff. 9

der Stende ſeitten mererlei widerwertigkait widerfahren ſein ſollen, welches ich meines thails noch zur zeitt nicht waiß zu verbeſſern, Vnd wille alſo zu E. K. M. gnedigſten willen vnd wolgefallen geſtelt haben dieſelbige zu ertzeigung des ſonderlich vätterlichen eyffers vnd bruederlicher affection ſo ſy zu K. M. zu Hiſpanien etc. vnd endtlicher befriedigung derſelben Nider Erblanden tragen thuen, Ire K. M. Commiſſarien von newem hieher geruhen zu verordnen welche von mir in jederzeit in geburender Ehrerbietung empfangen vnd dermaſſen Reſpeetiret ſoll werden, wie ſich ſolches der gar nahenden Bluetsverwandt⸗ nuß nach damit E. K. M. dem Kunig von Hiſpanien ete. zuge⸗ thon aignet und geburet Vnd Ich habe E. K. M. ſolches zu warhaftigen gegenbericht vnd Exclerung meines gemueths zu vnderthenigen antwort nit ſollen verhalten mich denſelben hier⸗ mit vnd allezeit zu gnaden bevelhende.

₰ .

Datum Luxemburg am 16. tag Octobris a

——