374

XVIII. Don Juan an Herzog Albrecht von Bayern.*)

Hochgeborner Fürſt, beſonder lieber Herr vnd Ordensbrue⸗ der. Wir haben zway E. L. ſchreiben vnder dato München den ten vnd 13ten tag Januarij negſtverſchinen nach einander wol empfangen vnd thuen vns der mitgethailten zeittung freundt⸗ lich bedanckhen vnd iſt nicht ohne, das vns auch von mehr an⸗ dern Orthen vaſt dergleichen bericht furlauffender Practickhen vnd Anſchlege, ſo Irer Kun. Mt. vnd vns zuentgegen ſein ſol⸗ len, fürkomen, Wir kunden aber E. L. hinwider freundlich niht bergen, waßmaßen wir vns vnlangſt mit dem bey vnß haben⸗ den Kun. Kriegsvolckh bede zu Roß vnd Fueß aus dem Her⸗ tzogthumb Luxemburg nach der Graffſchafft vnd Statt Namur erhebt vnd daſelbſt vff den 29 tag gemelts Monats Januarij glücklich angelangt vnd alß der Vheindt vnweit von dannen herwerts der Maß in ſtattlicher anzal zu Roß vnd Fueß ſein lager gehabt, haben wir das Kuniglich Kriegsvolckh daſelbſt zu Namur vber die Maß beuelchen vnd vorter durch die ſtatt ziehen laſſen, vnd darmit dem vheindt dermaßen genähert vnd den Kopf gebotten, daß wir ime vff den letzten Januarij vermittelſt göttlicher gnaden vnd onſers vnd des Kuniglichen Kriegsvolckhs manlich zu thun ohn ainichen der vnſrigen Verluſt gantz vnd gahr zertrennt vnd geſchlagen alſo daß der Vheindte fueßvolcks ettlich thauſend vff der Walſtatt thode plieben ain gutte anzal gefenglich angenomen vnd ir Raiſigen Zeug fluchts außgeriſſen jedoch derſelbigen in der nacheil auch vil im lauff geblieben, dazu vil Reuter vnd fueßknecht fanen erobert worden, gleich darauff hat ſich das Stetlin Gemblor ſampt denjenigen ſo in

*) Correspondance des gouverneurs généraux des Pays-Bas avec Al- Wert III. duc de Bavière. 1572— 1579. tome 4me. fol. 294.