—

fallens das maiſt ſprechen vnd gebot hat darbey E. k. Mt. leichtlich abzunemen, was gefahr ſolches vff ſich hat vnd was gehorſamkait vnd reſpect Irer K. Mt. alß dem Naturlichen Herrn vnd Landtfurſten von Inen den Stenden wurden getragen, dieweil ſie ſich desjenigen, ſo nicht allein der vergangenen ſon⸗ der auch dieſer gegenwertigen Zerrüttung vffrur vnd jnhaimbi⸗ ſchen Kriegs haubt vrſacher vnd anfanger iſt offentlich gebrauchen, ja das mehr vnd beſchwerlicher gib E. K. M. ich gnedigſt zu bedenckhen ob getrewen vnd gehorſamen vnderthonen wille ge⸗ buren Irer Kun. Mt. zuſtehende veſtungen vnd ſchlöſſer als zu Utrecht, Gent, Antorff darvon die erſte zwey durch weilandt meinen gnedigeſten gliebten Herrn vnd vatter Kaiſer Karln den fünfften etc. hochlöblichſter, chriſtſeliger gedechtnus erbawet vndt dieſelbigen ſtette bisher darvon nicht vbel befunden, einzureißen vnd zuerbrechen desgleichen ob die begern domitten die Landt⸗ ſtende bißher vermeintlich herfür komen dinge vndt ſachen ſeindt die von vnderthonen ſo der Kun. Mt. alß irem natürlichen an⸗ gebornen herrn vndt Landesfurſten ſchuldigen gehorſamb zu leiſten gewillt ſollen oder mogen geſucht vndt begert werden, Ich wille geſchweigen, das ſie ſich zuvor vndt ehe ſich dieſe Jetzige newe unruhe vnd zerruttung des Fridens zugetragen gantz freuntlicher weiſe vnderſtanden der Kun. Mt. vnd meine ſelbſt Packheten von brieffen vff zu halten, zu eroffnen vnd außzuziffern, wie dan noch newlich mit meinen brieffen, ſo ſch an mein gnedigſte frauwe die Kaiſerin geſchrieben dergleichen geſchehen welche vn⸗ gebürliche handlungen, wie E. K. M. eß zuermeſſen ſchwerlich zu gedulden ſein vnd wiewol ich gar in kainen zweiffel ſtelle Euer Kay. m. die wird vor dieſem von denſelben verordneten vnd ſubdelegierten Commiſſarien alß den jenigen ſo der hielen⸗ diſchen fridenshandlung anfenglich vnd biß vff den tag jres ver⸗ ruckhens, dan auch jetziger newer Zwiſpaltung vnd vnruhe per⸗