370

erſtlich Gegen E. K. M. dero getrewen vätterlichen ſorgfältig⸗ keit vnd genedigiſten zunaigung ſo ſy zur befürderung diſer Niderlanden meiner beuolenen verwaltung wolfart, rhue vnd friden tragen ganz vnderthenigiſt dedanckhen vnd ſtelle gar in kainen zweiffel Euer k. Mt. die werden auß vorigen meinen vnderſchidlichen ſchreiben vndt handlungen mehr dan genugſamb vernommen haben wie das Ich von anfang meiner ankunfft vnd die zeithero eingetretenen Regierung dieſer Niderlanden mich Je vnd allwege zum hogſten dahin befliſſen vnd bearbaitet da⸗ mit die ainmal wol vffgerichte Pacification in allen jren Punk⸗ ten vnd neben derſelben inſonderhait die alte wahre Catholiſche Römiſche Religion jnmaſſen die von allen zeitten in dieſen lan⸗ den exerciret vnd herkommen darbey auch der Kun. Mt. zu Hiſpanien etc. meines gnedigen lieben Herren geburende authori⸗ tet vnd ſchuldige gehorſam der vnderthonen wie billig ſtandt⸗ hafftiglich vndt vnverbruechlich gehalten vnd verhalten werden mochte, wie jch dan deſſen ſicher vnd gewiß bin da die gemaine landtſtende desjenige wie jetzt erzelt auch jrerſeits mit der that vnd wurglichkeit dermaßen wie Sy bißanhero allein mit wortten vnd ſchreiben gethon ertzeiget vnd volnzogen hetten das die ſachen bederſeits vor lengſt widerumben zu vergleichnus vnd fridtlichem verſtandt komen weren, Daentgegen aber thuet das widerſpiell bey Inen den ſtenden erſcheinen furnemblich in dem das an ſtat da ſy bevor allen Dingen jre gedanckhen vnd ge⸗ trewe ſorgfältigkeit zu ſteter vnterhaltung der heiligen Catholi⸗ ſchen Religion ſolten richten, Sy die ſtend vor guter zeit etliche ſonderbare miniſters vnd agenten vom Prinz von Vra⸗ nien ſo gedachter Catholiſcher Religion ganz offſetzig vnd zu⸗ wider vnder inen geduldet ja auch noch naylich durch jre ſtatliche Potſchafften des Printzen ſelbſt Perſon zu inen gen Bruſſel berueffen welcher dan nunmehr derſelben orthen ſeines ſelbſt ge⸗