—- 298—
alle engel drurick vnd alle mentschen lesterstu, die sich ergern an dir.
Item die blummen, rosen, hubscheyt, zerunge, smockung etc. dyner iogent gibbestu dem dufel vnd eyn alden heszlichen, stinckenden, roczigen vnflaid vnd esel, dem der toed in augen steckt, etc. wiltu geben dem almechtigen got etc. quando non potes peccare.
Item alle dyn sorg, bekommernisze, angst, noit vnd flsz vnd arbeyt, crafft, macht, das leben etc. layst vnd legst vff das zijtliche, werntlich schnode, yrdisch vergenglich gut, wie du damit hie riche sijst vnd werdest, vnd du weyst nit, abe du esz eyn dag frolichen mogest vnd konst gebruchen etc. ader daz ewig, hochste, vngeendet volkommen richtum gibt dir wenig zuschaffen, wan du arbeyts ¹) nichts ader gar wenig dar nach etc.
Item die penitencz vnd busz vber dyn sunde, die yre crafft vnd macht hait vsz der harten etc. penitencz vnsers hern ihesu christi, usz synem heyligen fasten, bekummer- nisze, betrupnisze, anfechtunge,[21] smacheyt etc. vnd lijden erwirbet dir mee gnade vnd barmhertzikeyt, dan vnser liebe frauwe vnd alles hyemelsche here an rue vnd leyt vnd ist krefftiger vnd mechtiger ²). Quia qui te creauit, creauit te sine te, sed non iustificat te sine te. Quia im- possibile est de lege dei communi ordinata, hominem pec- catorem intrare regnum celorum sine contricione in adultis etc. Correlarium: buest alle closter etc. sine contricione etc. Correlarium: bede alles hyemelsche here vor dich et tu non haberes contricionem et propositum dimittendi, mogest mit nicht komen in den hyemel. Esz czemet sich nit, ut supra.
Der mentsche.
Der mentsche, der die czehen gebot helt, ist frome, gerecht, togenthafftig geyn got vnd der wernt, vnd yederman hat yne in der vernunfft liep vnd wirt von got nummer mee verlaiszen; Nunquam vidi instum derelictum etc. ³).
¹) Verbessert aus: arheyts..
²) Vergl. mit diesen Worten gegen die Überschätzung der Marienverehrung die ähnliche Ausserung gegen das Wallfahren auf Blatt 6a: Item du geest vnd walst vber zehen, czwentzig ader hundert mylen geyn wormsz, eynsiddeln, rome, ache, zu dem fern sant iacob etc. Vnd fellest nidder vff beyde knye vnd kust eyn syden duchelin mit groszer ynnikeyt vnd andacht vnd schriest vnd hulest vnd alsz eyn nar vnd eyn esel, wan du knieest nit nidder geyn dem heyligen sacrament vnd allemechtigen gote vnd dust kume den hut abe etc.
³) Psalm 36, 25(Vulg.).
mag V
extensum
nicem co⸗ nunicent
121
K