De exorcizandis obsessis, etc

433

confiteámur,* quia Dóminus noster Jesus Christus Dei Fílius, Deus et homo est.

Deus est ex substántia Patris ante sæ­cula génitus,* et homo est ex substán­tia matris in sæculo natus.

Perféctus Deus, perféctus homo,* ex ánima rationáli, et humána carne sub­sistens.

Equális Patri secúndum divinitátem:* minor Patre secúndum humanitátem. Qui licet Deus sit, et homo,* duo tamen, sed unus est Christus.

non

Unus autem non conversióne divinitá­tis in carnem,* sed assumptióne huma­nitátis in Deum.

Unus omníno non confusióne substán­tiæ,* sed unitáte persónæ.

Nam sicut ánima rationális, et caro unus est homo:* ita Deus, et homo unus est Christus.

Qui passus est pro salúte nostra; de­scéndit ad inferos:* tértia die resurréxit a mórtuis.

Ascéndit ad coelos, sedet ad dexteram Dei Patris omnipoténtis;* inde ventú­rus est judicáre vivos et mórtuos.

Ad cujus advéntum omnes hómines re­súrgere habent cum corpóribus suis: et redditúri sunt de factis própriis ra­tiónem.

Et qui bona egérunt, ibunt in vitam ætérnam; qui vero mala, in ignem

ætérnum.