VIII
Missis celebrandis una cum Breviario et Missali Romano novum hoc Proprium quisque teneat et sequatur. Augeatur vero in omnibus nobis orationis fervor et devotionis affectus, ubi majori munimur numero coelestium intercessorum, quorum specialis honor et dilectio nobis committitur, sitque et clero et populo eorum vita speculum, suffragiumque auxilium, ut omnes omnes occurramus in unitatem fidei et agnitionis Filii Dei, in virum perfectum, in mensuram ætatis plenitudinis Christi. Quod ipse dederit, cui laus, honor et gloria in sæcula.
Datum Paderbornæ in festo Pentecostes.
Die I. Junii MDCCCLXXXIV.