VII

tur, saltem unus alterve assumatur, ratione specia­lis virtutis exempli vel etiam nominis inter fideles multum divulgati.

Nos itaque, quum de nova editione deque op­portuna emendatione Proprii Diocesani cogitare­mus, hujusmodi rationibus insistentes, assentiente Capitulo plurimum Reverendo Ecclesiæ Nostræ Cathedralis, additamenta quædam Breviarii et Mis­salis componenda esse censuimus. Opus de man­dato Nostro concinnatum et virorum peritorum judicio probatum Sacræ Rituum Congregationi examinandum proposuimus, ut Summa Apostolicæ Sedis Auctoritas, si visum fuerit, illud approbare et ad usum Diocesis Nostræ Paderbornensis con­cedere et indulgere dignaretur. Omnibus accurate perpensis et annuente Ss. D. N. Leone P P. XIII. eadem Sacra Congregatio rescripsit die 10. Janu­arii hujus anni et hoc Novum Proprium Pader­bornense approbatum et concessum declaravit. Exemplar authenticum Nobis remissum, typis im­pressum hoc libello prostat, præfixis simul tum Calendario integro Diocesano, tum, ad commodi­orem usum, Horis diurnis Breviarii.

Dum ergo, Reverendi et Dilectissimi Fratres, vobis nunc tradimus, quod Divina gratia et San­ctæ Sedis Apostolicæ Auctoritate potuimus susci­pere et bono fine complere, pro parte muneris Nostri unumquemque Vestrum, omnemque Clerum Diocesanum admonitum hisce volumus et declara­mus, ut deinceps in recitandis Horis Canonicis ac