Sie draͤwten vns Fegfewers pein/

Drumb kundt kein pfenning ſicher ſein/

Wann ſie eins pfennings wurden gwar/

Der ſtund fur jhn in groſſer fahr/

Drumb hattman allweg Seelmeß feyl/

Das jhn wurd vnſer gelt zutheil.

Der ſchendlich Meßmarckt hatt den ritten/

Vnd wolt fuͤr alle menſchen bitten⸗

Darumb er goldt vnd ſilber nam/

Dauor man Ablaß vberkam/

Ja aͤcker/ Wiſen/ Doͤrffer/ Staͤd/

Gab man der Meß fuͤr ſeelgered/

Die leut lieffen zun Ablaß meſſen/

Als wern ſie toll/ vnd gar beſeſſen.

PVnd weil das volck nun alſo tobt/

Vnd jederman den Ablaß lobt/

Drumb ſind auch etlich Thier kommen/

Vnd wolten ſchaffen groſſen frommen/

Sie wolten beichten jhre ſuͤnd/

Das man ſie Abſoluieren kuͤnd/

Das ſie nicht fuͤhren inn die Hell/

Ein Loͤw/ ein Wolff/ vnd ein Eſell/

Die hatten ſich verpflicht mit eyn/

Vnd wolten beichten inn gemenn. Der Loͤw fing erſt zubeichten an/

Dieweil er war ein Edelman/ 4

Vnd ſprach/ Ich bitt euch lieben herrn/

Ich wolt euch beiden beichten gern/

Herr Wolff/ vnd jhr Er Eſel herr/

Das euch mein Beichten Wehebeſißner,

Die Fabeln Eſopi. 34

iij Hab⸗

ÿ“ —