—.—————
13 zu fabulen vnd gedichten hiſtorien hatt/ dem zů aͤndern bloſſen vnd ſchlechten rede⸗ nen/ vmb darin zu haben den Pottiſchen lob/ den Horatius ſtellet.
Omne tulit punctum, qui miſcuit vtile tulci.
Alſo lehrt vnnd erfrewet die gute Podſie, Dann wie Plutarchus ſagt: Die ſuſſe Potterie, iſt nit ohn Philoſophie. Derwegen haben die guͤtte vnd alte Poeten(die vorſeher vnd Propheten gehalten vnd geachtet/ vnd von Philo vnd andern kinder Gottes geheiſſen) die Edele kunſt/ Philoſohy/ vnnd jhr alte Theologie nemlich/ die naturliche erkentniß Gottes durch ſeine werck vnd creaturen) vnd der Mithologien, vnd er ſonderlinge wunderbare fabulen beſchrieben mit einẽ hoͤheren erhabenẽ ſtilo, dann die ſchlechte vnd gemein Proſa der Philoſophen Magiſtri vnd Doctoren, mit ge⸗ zelten Syllabis, in ſchoͤnen wolgemeſſenen verſen/ mit reicher wolberedheit/ verziert mit allerhand lieblichen figuren/ ſententij gleichniſſen vnnd ſchoͤnen farben/ lehrt weißheit vnd warheit/ vnder einer Fabuliſcher/ genuͤglicher decken/ vnd leſt die Ed le vnd Goͤttliche geiſter/ die ſchloͤſſer durchbeiſſen/ vnnd die heilſame kerne ſuchen vnd ſchmecken/ Alſo verſuͤſſen vnd balſamen jhre heilſame gebot/ vnd guͤte moralẽ rhaten natuͤrliche vnderweiſſung/ vnnd hiſtoriale exempeln/ mit der ſuͤſſigkeit der newer vnd frembder erzellung/ vnd wunderlicher aͤbentuͤren vnnd dreum/ Gleich die Medici(wie der Pott Lucretius libro 4. ſagt.)
Ac veluti pueris abſinthia terra medentes
Quando adhibere volunt prius oras pocula circum Contingunt flauo mellis dulciq́; liquore
Vt puerorum ætas in prouida ludificetur.
IA. Lieber was iſt das geſagte Do. Das iſt/ wenn die Artzent den kindern woꝛm⸗ kraut geben woͤllẽ/ daſſelbig mit honich vnd zucker beſtreichen/ alſo durch die ſuͤſſig keit deszuckers mit genuͤchten die geſuntmachung in bekommen.
IA. Kan man noch vber die groſſe freud vnd liebte auß den ſchoͤnen Fabulen wei⸗ ter freud vnd lernung ziehene D O. Ja/ gar wol/ Die Fabulẽ der Pokten/ ſeind kein nerꝛiſche reden der alten weyber/ ſo die etwan bey dem ſpinrocken erzellen/ Vnnd muͤſſen auch nit ſo ſchlecht nach dem buͤchſtaben/ allein die wort zunerſtehẽ/ geleſen werden(gleich der mehrertheil die Schuͤlmeiſter thůn/ die jnen fuͤrnemmen außzn⸗ legen vnd zu erkleren h das ſie ſelber nit verſtehn) ſonder auch(wie Plutarchus ſehr wol lehrt im Buͤch von den Pokten zuͤhoͤren)den ſinn. Darumb iſts von noͤten/ das ſie wol vnderſucht/ vnd in jren verborgenen figuren vnd myſterien verſtanden wer den. Dann in warheit gleich ich von der beſten geiſten gelehrt/ auch ſelbſt befunden hab/ ſo mag ja vnd muͤß alle Poetiſche Fabulen durch allegorie zugefuͤgt vnd getra⸗ gen werden/ oder man gibt zu der natuͤrlicher philoſophie vnderrichtung vnd ler⸗ nung:oder das die morale Philoſophie hat gebot vnd guten raht: oder das die Hiſto⸗ rien geben durch gedechtniß der verlittener ſachen einen ſpiegel vnd guͤte warnung. Vnd beyweilen mag ſie zů zweyen/ vnd beyweilen zu allen dreyen gebracht werden vnd das jr das deſto beſſer verſtehen moͤgt/ will ich euch hie etliche exempel ſagen/ die euch fuͤr all den andern gefallẽ werden/ nemlich da die Per ſonen der Goͤtter vñ
Goͤttinne/ ingebracht bey den Poeten/ in Phiſickiſche/ Metaliſche/ oder Anago⸗
riſche allegorien ſeind die oͤbriſten vnd fuͤrnembſten geiſt vnd krafft: Oder die him⸗ liſche lichamen/ oder die zeit/ oder die Elementen. Alle welche geiſter/ vnd einfeltige B iij lichamen
—————————— ——„—— 14