Nun ſo můß ich fürbaß ſagen das iſt doch groͤßlich zů klagen Vnd iſt ain yamerliche nat ya wa es alſo ubel gat Das ſy ſind gſyn ſo vnſynnig voꝛ der haylig dꝛey künnig wen tag dar voꝛ in ainer nacht da woltend ſy han ʒů geracht Damit ir ſach moͤcht fürſich gan woltend ſy knecht geſchicket han Nach andern frummen burgern auß das ſy ins burgermayſters hauß Still haymlich bald ʒů yn kemen merckent wie was ir fürnemen Sy wolten da zamen kommen das hettens in für genommen Als offt ainer wer kumen drein ferr hinderhin ins hauß hinein So woltens in dann greyffen an vnd moꝛtlich ʒů tod gſch lagen han Bald ye einen den andern auch hoͤrẽnt was volget mer hernach Im hauß da es ſolt geſchehen hat man in aym ſal geſehen Ligen ain groſſen hauffen ſandt das haben ſie alles bekant y woltens blůt mit han verdeckt damit es niemant het erſchꝛeckt