. k 3——— 3** S—.

Das elſch ir namen werd bekank wie die zwen herꝛen ſind genant Der ain was klůg drat einher ſcharff hieß her iohann von ellendarff Der ander herꝛ iahann von rayd ich glanb es was jm ain groß layd Wan ainer ſein tod voꝛ ym ſicht darnach hat man ir drey gericht Am ſambſtag voꝛ ſant anthon herꝛ peter franck der was nit fry Auch in diſem groſſen gefeſſel wart gricht barendel zům keſſel Auch richt man den von der linden muͤſt ſchayden von weyb vnd kinden O we der yamerlichen gſtalt ſy hand gehan ſo groſſen gwalt Müůſten ſterben alſo dar van wem wolt das nit zů hertzen gan Moͤcht got ym hymel erbarmen ich wil gſweigen hie vns armen Voꝛ den mochtens nymme gneſen die ir vnderthon warn gweſen Doch litent ſy es mit gedult ſo ſys doch hettent wal verſchult Die andern die man gfangen layt habent etwas weyter gſayt Vnd hond groß ſachen mer erkent got woͤll es werd zům beſten gwent