Von taß ʒů tag ſo ʒů geracht

Die erſten ſibenʒzehen man

die das krentzlin hond gefangen an Voꝛ den geſchichten im ander iar hond ſie tetz als veriehen ʒwar

Sind ſie in der faßnacht gangen hond vil můtwiln angefangen

In narren kleydern gantz verbutzt

ir angſicht bremt vnd auch berutzt Das mans nit hat mügen kennen — nachts vmher gloffen rennen Beſonder in ains docktoꝛs hauß hond ſie vil gůts getragen auß

Hond im gnomen groſſe hab vil klaineter vnd das beſt voꝛ ab Der doctor dem ſies hond gethan

iſt ain frumer gaiſtlicher man

Ain pfarrer in ainr kirchen da

ſeins verluſts was er gar vnfra

Des iſt die kirch bliben ym ban byß auff diß ʒeyt kain meß drin ghan Die ſchuld das gelt vnd alle rent

zinß vndgilt vnd wie mans denn nent

Hond die rats herꝛen auch eingnomen nůn iſt es an den tag komen Da bey man billich wol verſtat got kain ÿbels vngeſtraffet lat

hond ſie das krentzlin groͤſſer gemacht