der arme Lazarus /Luc. 16. Dahin iſt beſcheiden der Schaͤcher zur rechten Hand. Luc. 23. An den orth tragen vnnd bringen ſie / die Hriligen Engel. Luc. 16. Als die Wagen G O Ttes /⁊. Regum Vndgeſchie⸗ het ſolches ſo baldt ſie vom Leibe abſcheiden. Dañ Saͤ⸗ lig ſeind die Todten / die im H E RR EM ſterben von nunan. Apocal. 14. Das iſt in dem nun vnd Augen⸗ blick / wenn ſich Leib vnd Seel geſcheiden.

D der lieblichen Harmoney vnnd froͤlicher ſtimm der Engel vnd Außerwehlten / ſo als dann gehoͤrt wird / daruber von ſtundtan alle Weltliche Luſt vnnd dnluſt vergehet. D der hertzlichen Worte des Himmliſchen Breutgams / damit er die außerwehlten Seelen / als ſei⸗ ne hertzliebe Braut anredet vnd empfehet / Cant. 2. O der hertzlichen Geſelſchafft vnd frewdenreichen conver⸗ ſation / die daſelbſtẽ iſt / mit den Heiligen Engeln vnd al⸗ len Saͤligen Altes vnd Newes Teſtaments / auch mit vnſern ſaͤligen Freunden / die vns hie auff Erden bekant vnd zugethan geweſen. Ihr ſeyt kommen / ſagt der Apo⸗ ſtel Heb. am 1⁊. zu dem Berge Syon / zuder Stadt des Lebendigen G D Ttes / zu dem Himliſchen Jeruſalem / vnd zu der menge vieler Tauſent Engeln / vnd zu der Ge⸗ meine der erſtgebornen / die im Himmel angeſchrieben ſeind / vnd zu dem Gott dem Richter vber alle / vnd zu den Geiſtern der volnkommenen Gerechten / vnnd zu dem Mittler des Newen Teſtaments Jeſu. O der Glori Majeſtet / Ornats vnd klaren Angeſichts G Dttes / ſo daſelbſten angeſchawet wird /1. Cor. 13. 1. Joan.z.