16

Namque Dilectum placide sequentur Ad novas sedes, ubi templa saxo Hisce sacrato fabricata surgent

Et nova thura.

Ille quum tantis comitatibus sit Lætus, intrabit peregrina nullo Regna contactus graviter dolore

Tristitiave.

En! salutabit patrios penates,

Hic ubi quondam vegeti Cherusci

Montis in nubes caput inferentis Arva tenebant,

Viset umbrosos nemorumque saltus,

Cæsaris frustra studio petitos,

Quos patrum ritus Superis dicavit Relligioque.

Eece, WIEDASCIII, comitabitur TE Sic potens Divom placide caterva! Hac avi ducent nova fila Parcæ

Sic TIBI fausto.

Jam vale! Nostri memor esto semper,

Et refer sub corde sodalitatem,

TE precor, cultam bene, quum recentes Quæris amicos!

*