60.

65.

10.

— 24—

Quod Vulcanus ei clipeum procudit et ensem Ipse trucem, celeber num minus Aeacides? Quod vir mortalis magnum commovit Olympum? Hoc illi decori est, quod coluere dei,

Quod veriti flagrantem ira famamque daturi Orco Grajorum forte dedere genus.

Ne doleas, grata est quod gratia, quod male digna Lili instar Paphiae splendet amore deae.

Sit felix ea, tu spectans reddere beatus; Immerita illa nitet, te rapit immeritum.

Gaude, quod vatem di donant divite vena, Quod casta illius pectora Musa moyvet.

Quod deus illum afflat, populo deus esse videtur, Quod felix ille est, ipse beatus eris.

Sustineat strepitante foro trutinam Themis aequa, Praemia quisque suo digna labore ferat;

Gaudia di soli malis mortalibus afflant, Gaudia sola cient numina mira deum.

Cuncta humana opus est gignantur et augmina sumant Et subeant multas tempore versa vices;

At non gignuntur felicia pulchra venusta, Integra ab aeterno tempore labe carent.

Si Venus in terris aliqua est, surrexit ut olim Mirifice immenso Cypria diva mari.

Lucida quaeque animum subeunt, Tritonis ut olim Aegide cincta Jovis vertice prosiluit.

IlI. Pompeji et Herculanum.

Mira loquar! fontis dulces orantibus undas Quid nobis pandens viscera, Terra, paris? Num colitur barathrum? num degit mersa favillis Sulfureis nova gens? an fit abacta redux? Graji! Romulidae! properate! videte! resurgunt Pompeji veteres Herculis urbsque redit. Contigui emergunt apices et porticus ampla Panditur, huc gressus praecipitate, viri! Lata theatra patent; septena per ostia densa. Spectatum effuso flumine turba ruat!