75.

80.

85.

90.

95.

100.

105.

110.

115.

— 16—

Una ciet mens mille manus, affectus et unus Unanimo pulsu pectora mille movet:

Sanctus amor patriae et legum pia cura priorum, Quorum sacra sacrum contegit ossa solum.

Delapsi superi caelo stellante beati Ecce! triumphantes in loca sancta migrant.

Splendida dona ferunt; ante omnes munus aratri Tradit flava Ceres, ancora Mercurii est

Munus, oliva virens est Palladis, uva Lyaei, Donum Neptuni bellicus adstat equus.

Subjungens bigis Berecyntia Vesta leones Hospita portarum limina civis init.

E vobis hominum exierunt, sacra saxa, magistri Artesque et mores in loca cincta mari.

Jura dedere sophi celebratas has prope portas, Flos populi hinc tectum prosiluere Lares.

Muris lustrarunt amplexae pignora matres Submotas spatio, dum potuere, manus.

Aris divorum tum procubuere, precantes, Cederet ut reditus, gloria, palma viris.

Palma viris cessit, rediit sed gloria sola, Flebile virtutem praedicat ille lapis:

Dic, hospes, Spartae, nos te hic vidisse jacentes, Dum sanctis patriae legibus obsequimur.

Suave quiescatis! vestro perfusa cruore Mitis oliva viret luxuriatque seges.

Libera florescunt commercia laeta paratis Quaeque latent canna numina glauca favent.

Stirps ferro sonat icta, dryas suspiria ducit, Culmine de montis massa sonora ruit.

Lautumiis saxum subjecto vecte cietur, Auriferi montis viscera fossor init:

Incus Mulciberis refugo tudium sonat ictu, Flammas aera manu pulsa valente vomunt.

Currentem circum splendent lina aurea fusum Et radio arguto stamina tacta fremunt.

Litora voce sonant nautarum; stant sale classes, Quae peregre indigenum parta labore vehant.

Messe peregrina hic aliae referuntur ovantes, De malo excelso festa corona fluit.

En! laeto strepitu foraque et carchesia fervent. Confusaque virum voce repleta fremunt.