35.

40.

45.

50.

55.

60.

70.

Rivales ardent acri certamine vires,

— 14—

Aethra caret supra, caret infra finibus aethra, Suspicio attonitus despicioque tremens. Sed dirimens spatia ampla poli et spatia ampla profundi Ponticuli saepes lignea munit iter. Pervolo luminibus ridentes ubere ripas Et valles cultas sedulitate virum. Lineolas istas agrestum rura secantes En! in dorsa soli texuit alma Ceres, Legifera alma Ceres, hominum lux atque patrona, Ferrea quum fugiens saecula liquit amor. At metata secat sinuosis flexibus arva Obruta nunc silva, nunc juga celsa petens, Quae terras terris jungit via, linea fulgens; Labitur in plano flumine prona ratis. Assiduis resonant pecorum tinnitibus arva Solivagusque echo dux gregis ore ciet. Laeti amnem cingunt vici viridive latentes Arbusto pronis applicitive jugis. Confines habitant homines concorditer arvis, Ambit ager placide rustica tecta casae. Se circumvolvens humili sinuosa fenestrae Vitis blanda casam fronde tenace ligat. Rustica gens felix! a libertate remota Ut tua rura, arta lege tenere libens. Nil aliud cupis ac messes refluo orbe reductas Et refluo orbe aevum volvitur atque labor. At quis prospectum suavem subito mihi demit? Quam subeunt formam rura novata novam? Dissona se fugiunt quae consona mixtaque vidi, Parque coit solo cum pare quisque suo. Ordine composito pompaque superba decora Populus incedit nobilitate potens. Lege suis sunt quaeque locis normaque locata; Haec anteit regem praevia serva cohors. Praevia pulchra procul fastigia luce corusca Turrigeraeque urbis saxea tecta nitent. Silvicolae extorres cessere in devia Fauni, At pietate sacra saxea tecta vigent. Sese homini socium addit homo, gyros habet artos Vita, at mens agili mobilitate valet.

Multum lite valent, foedere plura patrant.