15

AAAAæᷓòᷓ

impetum sustinentes iis impedimento erant, quominus lapides asportarent et latius circumvaga- rentur. Tum vero Atheniensium una militum gravis armaturae tribus cum omnibus equitibus in equites Syracusanos erumpentes in fugam eos conjecerunt et caesis nonnullis tropaeum statuerunt.

Postero autem die Athenienses ab illa circummunitione(uiκα) murum ad septentriones spectantem ad Trogilum, qui dicitur, versus aedificabant. Syracusanis vero, quum inprimis Hermo- crate auctore proeliis cum hostibus committendis supersedere constituissent, murum transversum placuit exstruere, qui murum illum, quem Athenienses a circummunitione ad magni portus ripam ducturi essent, interciperet. Quare egressi infra communitionem hostium, ab urbe initio facto, murum transversum exstruebant. Ad erigendas in eo turres ligneas agri Apollinis Temenitae sacri oleas exciderunt.

Quem murum quin conficerent quum Athenienses eos non impedivissent, Syracusani relicta custodia in urbem se receperunt. Athenienses autem aquaeductu, quo aqua potulenta ad urbem ducebatur, deleto tempus atque occasionem doli quaerunt et, quum reliqui Syracusani meridiano tempore in tentoriis essent, alii etiam in urbem discessissent, alii custodiae neglegentiores essent, delectos trecentos milites atque nonnullos levis armaturae, thoracibus instructos, subito ad murum illum erumpere jubent. Quum reliqui exercitus altera pars ad urbem accederet, altera ad propu- gnaculum, prope Temenitae portum situm, trecenti illi vallum occupant.

Syracusani autem, qui ibi in custodia erant, ad murum fugiunt, circa Temenitae templum ductum. Una cum iis irrumpentes hostes a Syracusanis per vim ejiciuntur. Qua in pugna Argivi nonnulli et pauci Athenienses caesi sunt. Tum vero universus eorum exercitus, ubi paulum se recepit, murum transversum evertit et tropaeum ponit,

Postridie autem Athenienses a circummunitione sua profecti rupem illam Epipolarum, supra paludem sitam, quae ad magnum portum spectabat, munire coeperunt, unde via brevissima per loca demissa et palustria munitiones perpetuas ad magnum portum efficere moliebantur.

Syracusani autem et ipsi, ab urbe orsi, iterun murum per mediam paludem usque ad Anapum fluvium ¹) exstruxerunt, simulque fossam praeduxerunt, ut Athenienses impedirent, quo- minus munitionibus ad magnum portum productis urbem circumcluderent.

Sed Athenienses rupe munita murum fossamque Syracusanorum aggredi parant. Navibus jussis a Thapso paeninsula ad magnum portum circumvehi, ipsi sub diluculum ab Epipolis in planitiem descendunt et, quum loca palustria assibus subjectis transiissent, prima luce murum fossamque capiunt..

Jam vero pugna commissa Athenienses victoriam reportant. Syracusani autem, qui in dextro cornu collocati erant, ad urbem fugiunt; qui in sinistro cornu erant, juxta fluvium. Quos ut a transitu intercluderent Atheniensium trecenti illi cursu concitati ad pontem accurrunt. Quo metu perculsi Syracusani, quorum equites plerique ibi constiterant, cum illis manus conserunt atque repulsos in dextrum Atheniensium cornu rejiciunt, ita ut primum eorum agmen simul perturbaretur.

Quod ubi Lamachus vidit, a sinistro cornu cum sagittariis paucis atque Argivis auxilio

3

¹) Cf. Grote J. I. IV. p. 196.