5
Athenae septem milliariis Germanicis a Plataeis distabant. Via eos, qui Athenis profecti Plataeas petebant, primum Eleutheras in medio fere itinere positas ferebat(Algem. Augsb. Zeit. v. 26. Aug. 1840 A. Beilage). Deinde per Cithaeronis montis angustias, quas Boceoti Toers ²εραέαα⁴s, Athenienses ouds zeqplde appellabant(Herod. IX, 59), ferens, Hysias Erythrasque ad dextram relinquebat(Pausan. IX, 2, 1 ct 2) neque, ut est in Muel- leri tabula, septentriones versus declinabat, sed inter orientem meridiemque erat. Nam si ad septentriones via haec inflexa et cum ea via, quae Thebas erat, juncta fere fuisset, fieri non poterat, ut Thebani a regione Eleutherarum adventantes custodum Thebas versus disposi- torum diligentiam fallerent(Paus. IX, 1, 5).
Neque Megara minore quam Athenae spatio iis aberant, qui optima via usuri per Dryoscephalas proſiciscebantur.
De ipsius oppidi conditione pauca accepimus. Thucydides(1I, 78) lutum lateribus faciendis aptum prope muros fuisse narrat, et quum coenum viarum fugientihus impedi- mento fuisse tradit(II, 4) vias oppidi tempore belli Peloponnesiaci non lapidibus stratas sed lutosas fuisse indicat. Idem tecta domorum complanata sive non fastigata fuisse per- hibet.— In arce Minervae Areae templum mihi videtur fuisse, ex anno ante Chr. nat. 490 z* inchoatum, circa annum 450"¶0n perfectum. Templum enim ex illo anno initium cepisse, Pau- sanias testis est(X, 4, 1) idemque, quum statua deae a Phidia Atheniensi facta templum ornatum esse tradit, Plataeenses circa hunc annum, qui in posteriorem huius statuarii aetatem incidit, templi exstruendi finem fecisse, videtur indicare. Statua autem deae in tantam altitudinem a Phidia efficta erat, ut ea signum Minervae aeneum, quod ex Athe- narum arce eminebat, prope aequaret, ex quo ipsum templum satis amplum fuisse conji- cias. De hac statua atque Onatae Polygnotique tabulis vide Pausaniae I. lI.— In foro fa- num erat Dianae Eucleae, cui sponsi sponsaeque ante nuptias sacra faciebant. Per omnia enim civitatum Boeoticarum fora eius deae et aras et simulacra exstitisse Plutarchus testis est(vit. Arist. 20). In australi autem oppidi parte sacellum erat Plataeae, ex qua civitas nomen duxisse fertur. Pausanias enim(IX, 2, 5) ab oriente oppidum intrantibus Plataeae
monumentum conspicuum esse narrat.
§. 3. De iis, quae extra oppidum sita memoratu digna sunt.
Duae tantum agri partes orientalis et meridionalis fama nobilitatae sunt, quarum illam prius pervestigabimus.— Ad ipsam portam, quae inter orientem meridiemque spectans Eleutheras patebat, Graecorum, qui contra Persas pugnantes anno a. Chr. 479„ ceciderant, sepulcra erant, apud quae Plataeenses mortuis per singulos annos sacra faciebant(Plut.
vit. Arist. 21) Et Lacedaemoniis quidem Atheniensibusque sua erant sepulcra, Simoni- 2