— 47—

dan ich und myne erben und unse nakomen di daz burgleyn von unser wegen haint, sullent sy eren und fordern wo wir konnen odir mogen apgescheiden alle argelist und geverde. Herubir zu eyme vesten waren orkunde han ich min ingesigel vur mich myne erben und vur myne na-— komen an disen brib gehangen und han zu mere sichirheide dazu gebeden di stad Covelentze daz sy ire ingesigel auch vur uns her ane gehangen hat. Und wir di stad Covelentze vurge- nant bekennen daz iz war is. Datum sabbato post dominicam Invocavit me anno domini MoCCCo quinquagesimo tertio. Originalpergament.— Die Siegel an Pergamentstreifen fehlen.

XXXVI.

Erzbischof Balduin verbündet sich für seine Lebenszeit mit der Stadt Limburg zum

Schutze wider jedermann.(Die Urkunde ist zugleich Transsumpt des von der Stadt

ausgestellten Bündnissbriefes.)

Pfaltzel 1353. 28. September.

Wir Baldewin von gots gnaden Ertzebischof zu Triere des heiligen romisschen riches durch Welschelant ertzecantzeler dun kunt allen luden daz wir uns mit den wisen luden unsern lieben getruwen burgermeister scheffen rate und burgern gemeynlichen unser stad zu Lympurg verbunden han und verbinden an disem brieve und sie sich wider zu uns unser lebedage uns zu helfene und zu radene und wir yn wider in aller der wise als ir brieve sprechent die sie uns dar uber besigelt gegeben han die von worte zu worte her na geschrieben sten. Wir Burger- meister scheffen rad und burger gemeynlichen der stad zu Lympurg dun kunt allen luden und erkennen uffenlichen an diesem brieve daz wir mit gemeynem rade mit wolbedachtem mude umb nutz der stede uns und die stad und unser nakomen burgere zu Lym- purg verbunden han und verbinden an disem brieve zu dem erwirdigem in Gode vader und herren unserm herren hern Baldewin ertzeb. zu Triere sine lebedage die stad von Lympurg werde gelost von yme oder nicht also daz wir deme selben unserm herren deme wir doch vore verbunden waren zu helfene und zu radene und nit wider yn zu dune helfen und raden und veylenkouf geben und yme dienen sollen gewapent und bloiz funf myle al umb Lympurg mit gantzer stad oder mit halber stad oder mit dem vierteyle also daz die stad bewaret verliebe und doch zu dem minesten mit halber stad als dicke des not ist und unser herre oder sin ampt- man zu Monthabur der da zu zyden ist des an uns gesinnet mit brieven oder mit munde oder mit irem sicherme bodden oder wo wir daz selben wisten wider aller menlichen nyman ussgenomen des selben unsers herren gut zu beschudene sin unrecht zu richtene und sinen scha- den zu werene zu stunt. Were aber daz der selbe unser herre mit yman criegen wolde oder yman mit yme gesinnet er dan oder sin vorg. amptman helfen an uns als vor begriffen ist daz sal er uns also tzytlichen lassen vore wissen daz wir uns gegen solichen sinen vienden bewaren mogen. Were ouch daz der selbe unser herre eynich besess understunde uff die zyt Rines als Lympurg gelegen ist dar zu sollen wir yme oder sinem vorg. amptmane beholfen sin mit vil oder wening als dan not ist also doch daz die stad bewaret verliebe als vorgeschr. ist. Und ist zu wissene daz wir soliche helfe und rat tun sollen als vorgeschr. stet uff unser kost schaden und verlust. Ouch sal unser vorg. herre von Triere und sin egen. amptman uns beholfen und beraden sin mit allem sinem lande uff die vorg. syten Rines gelegen uns und unser gut zu be- schudene unser unrecht zu richtene und unsern schaden zu bewarene mit vil oder wening luden als des not ist wanne und wie dicke wir des an sie gesinnen oder besundern an den vorg. ampt- man mit munde brieve oder bodden als vorgeschr. ist. Were aber daz die stad besessen worde so sal unser vorgen. herre uns helfen mit siner muge uns zu entsetzene wie des dan not ist alles uff sine kost schaden und verlost. Und ist geredet mit namen daz wir alle die vorgeschr. stucke gentzlichen halden sollen und die sinem amptmane von Monthabur der zu tzyden ist und als dicke er gewandelt und eyn ander alda gesatz wirt geloben sollen in guden truwen an eydes stad und daz selbe sal er dun uns wider in unsers vorg. herren wegen. Alle dise vorgeschrie- ben stucke und ir iglich han wir gelobet vor uns und unser vorgen. nakomen in guden truwen und uffenlichen zu den heiligen gesworn stede und veste zu haldene und dar wider nicht zu komene noch zu dune ussgescheiden allerhande argelist und geverde an allen disen stucken und